Валерый Сяргеевіч Гардон

Валерый Сяргеевіч Гардон (нар. 3 сакавіка 1945, г. Падольск, Маскоўская вобласць, РСФСР) — беларускі вучоны ў галіне матэматыкі і тэхнічнай кібернетыкі. Доктар фізіка-матэматычных навук (1995, Эфектыўныя метады развязання задач тэорыі раскладаў для аднастайных сістэм).

Валерый Сяргеевіч Гардон
Дата нараджэння	3 сакавіка 1945(1945-03-03) (79 гадоў)
Месца нараджэння	Падольск, Podolsky District[d], Маскоўская вобласць, РСФСР, СССР
Род дзейнасці	матэматык, кібернетык
Месца працы	Аб’яднаны інстытут праблем інфарматыкі НАН Беларусі
Альма-матар	БДУ
Прэміі

Біяграфія

Скончыў БДУ (1967). Працуе ў Інстытуце тэхнічнай кібернетыкі НАН Беларусі. Навуковыя працы па тэорыі раскладаў і экстрэмальных камбінаторных задач. Распрацаваў эфектыўныя метады развязання задач тэорыі раскладаў для аднастадыйных дэтэрмінаваных сістэм абслугоўвання. Дзяржаўная прэмія Рэспублікі Беларусь у галіне навукі і тэхнікі (1998, у сааўтарстве) — за цыкл прац «Мадэлі і метады тэорыі раскладаў».

Навуковыя працы

• A Note on Optimal Assignment of Slack Due-Dates in Single-Machine Scheduling // Eur. J.Oper. Res. 1993. V. 70;
• Теория расписаний. Одностадийные системы. М., 1994 (разам з В.Танаевым, Я.Шафранскім);
• Scheduling Theory. Single-Stage Systems. Kluwer Academic Publishers, 1994 (разам з В.Танаевым, Я.Шафранскім).

Літаратура

• Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — С. 60. — 576 с. — 10 000 экз. — ISBN 985-11-0090-0.