Вышэйшая тэалагічна-сацыяльная школа ў Варшаве

Вышэйшая тэалагічна-сацыяльная школа ў Варшаве (польск.: Wyższa Szkoła Teologiczno-Społeczna w Warszawie) — польская рэлігійная вышэйшая навучальная ўстанова, якая знаходзіцца ў Варшаве.

Вышэйшая тэалагічна-сацыяльная школа ў Варшаве
польск.: Wyższa Szkoła Teologiczno-Społeczna w Warszawie
Арыгінальная назва	польск.: Wyższa Szkoła Teologiczno-Społeczna w Warszawie
Міжнародная назва	англ.: The College of Theology and Social Sciences in Warsaw
Заснаваны	1968
Краіна	Польшча
Размяшчэнне	Варшава
Сайт	wst.edu.pl
Медыяфайлы на Вікісховішчы

Агульная характарыстыка

Гэта рэлігійная вышэйшая школа Пяцідзясятніцкай Царквы ў Польшчы, якая ажыццяўляе навучанне студэнтаў у галіне тэалогіі і якая мае права на наданне выпускнікам ступені бакалаўра багаслоўя. Заснаваная ў 1968 годзе ў рамках Аб’яднанай евангельскай царквы як Біблейская школа, пазней пераназваная ў Варшаўскую багаслоўскую семінарыю. З кастрычніка 2012 года мае дзеючую назву.

У якасці асноўнай мэты ўстанова ставіць перад сабой выхаванне інтэлекту і хрысціянскага характару студэнтаў, каб яны служылі Богу, Царкве і свету, як духавенства і свецкія людзі. Школа адкрыта для ўсіх евангельскіх пратэстанцкіх цэркваў. Працэс адукацыі ахоплівае наступныя сферы: біблеістыка, сістэматычнае багаслоўе, практычнае багаслоўе, гістарычнае багаслоўе. Навучацца можна па наступных спецыяльнасцях:

• Хрысціянскае лідарства (пастарства)
• Хрысціянская музычная служба
• Хрысціянскае кансультаванне і сацыяльная прафілактыка
• Педагогіка рэлігіі
• Хрысціянскія СМІ і сацыяльныя камунікацыі
• Місія і развіццё царквы

Спасылкі

• На Вікісховішчы ёсць медыяфайлы па тэме Вышэйшая тэалагічна-сацыяльная школа ў Варшаве
• Афіцыйная інтэрнэт-старонка ўстановы