Віёла Амерд
Віёла Патрысія Амерд (ням.: Viola Patricia Amherd; нар. 7 чэрвеня 1962, Брыг, Вале, Швейцарыя) — швейцарскі палітык, з 2019 года член Федэральнай рады Швейцарыі, якая прадстаўляе да 31 снежня 2020 года Хрысціянска-дэмакратычную народную партыю Швейцарыі, яна была адной з арганізатараў новай швайцарскай партыі Цэнтр. Абраная віцэ-прэзідэнтам Швейцарыі на 2023 год. З 1 студзеня 2024 г. прэзідэнт краіны.
Віёла Амерд | |||||||
---|---|---|---|---|---|---|---|
ням.: Viola Amherd | |||||||
![]() | |||||||
|
|||||||
|
|||||||
Папярэднік | Дорыс Лойтхард | ||||||
|
|||||||
Папярэднік | Гі Пармелен | ||||||
|
|||||||
Папярэднік | Ален Берсэ | ||||||
Пераемнік | Карын Келер-Зутэр | ||||||
|
|||||||
Папярэднік | Ален Берсэ | ||||||
Нараджэнне |
7 чэрвеня 1962[1] (62 гады) |
||||||
Веравызнанне | Каталіцкая Царква | ||||||
Партыя | |||||||
Адукацыя | |||||||
Сайт |
vbs.admin.ch/de/d… (ням.) vbs.admin.ch/fr/c… (фр.) vbs.admin.ch/it/c… (італ.) vbs.admin.ch/en/h… (англ.) |
||||||
![]() |
Біяграфія
правіцьУ 1982 годзе скончыла ў родным горадзе Лацінскую гімназію. Пасля гэтага яна паступіла на аддзяленне юрыспрудэнцыі ў Фрыбурскі ўніверсітэт, які скончыла ў 1987 годзе. З 1991 года працавала ў Брызе юрыстам і натарыусам.
У 1992 годзе яна стала членам гарадской рады роднага горада. У 1996 годзе яна стала віцэ-прэзідэнтам, а ў 2000 годзе прэзідэнтам муніцыпалітэта Брыга. З 31 мая 2005 па 31 снежня 2018 года яна ўваходзіла ў ніжнюю палату парламента краіны Нацыянальны савет Швейцарыі. У пачатку снежня 2018 года Віёла была абраная ў Федэральны савет Швейцарыі ў сярэдзіне снежня яна атрымала прызначэнне на пасаду міністра абароны, грамадзянскай абароны і спорту. І стала першай жанчынай у краіне, якая ўзначаліла гэтае міністэрства. З’яўляецца першай жанчынай ад кантона Вале ў Федэральнай радзе. З 1 студзеня 2019 года прыступіла да выканання сваіх абавязкаў.
У канцы 2020 года ў Швейцарыі кіраўніцтва дзвюх партый Кансерватыўна-дэмакратычнай і Хрысціянска-дэмакратычнай народнай партыі прыняло рашэнне пра аб’яднанне. Так узнікла партыя Цэнтр. У гэтую партыю ўвайшла і Віёла Амерд і яна стала першым прадстаўніком гэтай партыі ў Федэральным савеце Швейцарыі. 1 студзеня 2023 г. яна змяніла Алена Берсэ (стаў прэзідэнтам Швейцарыі) на пасадзе віцэ-прэзідэнта краіны.
Была адной з сусветных лідараў, хто запатрабаваў у пачатку красавіка 2022 года, ад кіраўніка МАК адхіліць афіцыйных асоб Беларусі і РФ ад спаборніцтваў. Гэта адбылося пасля пачатку ўварвання Расіі ва Украіну. У сярэдзіне снежня 2023 г. парламент Швейцарыі абраў Віёлу Амерд прэзідэнтам краіны на наступны год. Прадстаўнік партыі Цэнтр упершыню ў гісторыі краіны стаў прэзідэнтам Швейцарыі з 1 студзеня 2024 года.
У пачатку сваёй кадэнцыі Амерд заявіла, што верагоднасць нападзення на Швейцарыю значна ўзрасла. Яна таксама пачала надаваць больш увагі праблемам войска і абароны краіны. На пасадзе прэзідэнта, у канцы лютага 2024 г. яна прапанавала ў Швейцарыі правесці мірны саміт па Украіне.
Зноскі
- ↑ Viola Amherd // Munzinger Personen Праверана 9 кастрычніка 2017.
- ↑ https://www.admin.ch/gov/de/start/bundesrat/mitglieder-des-bundesrates/bundesraetin-viola-amherd.html