Ганна Кёніг Ерльмюр

Ганна Маргарэта Кёніг Ерльмюр (народжаная Кёніг, швед. Anna Margaretha König Jerlmyr; нар. 9 мая 1978, Упсала) — шведскі палітычны дзеяч. Член Умеранай кааліцыйнай партыі. Мэр Стакгольма з 15 кастрычніка 2018 года. У мінулым — дэпутат рыксдага (2006—2010).

Ганна Кёніг Ерльмюр
Род дзейнасці	палітык
Дата нараджэння	9 мая 1978(1978-05-09) (45 гадоў)
Месца нараджэння	Упсала, камуна Упсала, лен Упсала, Швецыя
Грамадзянства	Швецыя
Партыя	Умераная кааліцыйная партыя
Медыяфайлы на Вікісховішчы

Біяграфія

Нарадзілася ў 1978 годзе ва Упсале. Па выніках парламенцкіх выбараў 2006 года абрана дэпутатам рыксдага ў акрузе Стакгольм. З’яўлялася сябрам Камітэта па працы.

Па выніках мясцовых выбараў 2010 года абрана дэпутатам гарадскога савета Стакгольма. У 2010 годзе прызначана віцэ-мэрам па сацыяльных пытаннях і старшынёй упраўлення паліцыі Стакгольма, займала пасады да 2014 года. З 2014 па 2018 год выступала ў якасці віцэ-мэра апазіцыі ад Умеранай кааліцыйнай партыі. Пасля мясцовых выбараў 2018 года гарадская рада абрала яе мэрам Стакгольма.

Замужам. Муж — анколаг Філіп Ерльмюр, заснавальнік (2012) і выканаўчы дырэктар (CEO) дэрматалагічнай клінікі Diagnostiskt Centrum Hud (DCH). Мае трох дзяцей. Жыве ў Стакгольме.

Любіць рыбалку і катанне на лыжах.