Гастраэнтэрыт

Гастраэнтэрыт (ад стар.-грэч.: γαστήρ, родны склон γαστρός — «страўнік» і ἔντερον — «кішка») — запаленчае захворванне страўніка і тонкага кішачніка. У чалавека гастраэнтэрыт развіваецца з прычыны харчовых токсікаінфекцый, заражэння бактэрыямі, піцця недабраякаснай вады, захворванняў (грып, пнеўманія, адзёр, сепсіс і інш), атручвання цяжкімі металамі, кіслотамі, шчолачамі, ртутнымі прэпаратамі і інш. Працякае ў вострай і хранічнай форме. Часта суправаджаецца пашкоджаннем і тоўстага кішачніка — гастраэнтэракаліт.

Гастраэнтэрыт
МКХ-10	A02.0, A08., A09., J10.8, J11.8, K52.
МКБ-10-КМ	K52.9
МКХ-9	009.0, 009.1, 558
МКБ-9-КМ	558.9
DiseasesDB	30726
MedlinePlus	000252 і 000254
eMedicine	emerg/213
MeSH	D005759
Медыяфайлы на Вікісховішчы

Лячэнне і прафілактыка

Пры вострым гастраэнтэрыце — прамыванне страўніка праз зонд, якое можна замяніць звычайным пітвом з наступным выклікання ваніт; грэлкі да ног, медыкаментозная тэрапія, накіраваная на ўрэгуляванне сакраторнай функцыі страўніка і кішачніка; пры хранічным гастраэнтэрыце — працяглая дыетатэрапія, строгае выкананне рэжыму харчавання, медыкаментозная тэрапія.