Герб Лельчыцаў
Герб Лельчыцаў — герб гарадскога пасёлка Лельчыцы Гомельскай вобласці. Герб зарэгістраваны ў Гербавым матрыкуле Рэспублікі Беларусь 5 ліпеня 2002 года № 90.
| Герб Лельчыцаў | |
|---|---|
 |
|
| Дэталі | |
| Зацверджаны | 5 ліпеня 2002 |
Шчыт |
іспанскі |
| Заснаванне | 5 ліпеня 2002 |
Апісанне
правіцьУ блакітным полі іспанскага шчыта стылізаваная выява бусла натуральнага колеру, унізе — залаты дубовы вянок.
У аснову герба пакладзены эскіз, падрыхтаваны ў Лельчыцах і адаптаваны да законаў, правілаў і традыцый геральдыкі. Эмаль і метал (блакітны і золата), і кампазіцыйнае размяшчэнне асноўных фігур аддалена нагадваюць герб «Ляліва» — радавы знак аднаго з апошніх уладальнікаў (з 1874 года) Лельчыцаў І. І. Тышкевіча — у блакітным полі герба змешчана шасціпрамянёвая залатая зорка і пад ёй залаты паўмесяц рагамі дагары.
Герб зацверджаны рашэннем Лельчыцкага раённага Савета дэпутатаў ад 8 чэрвеня 2001 года № 10/3[1].