Грэгары Лемаршаль

Грэгары Лемаршаль (фр.: Grégory Lemarchal; 13 мая 1983, Ла-Тронш, Францыя — 30 красавіка 2007, Парыж, Францыя) — французскі спявак.

Грэгары Лемаршаль
Grégory Lemarchal
Асноўная інфармацыя
Поўнае імя	Grégory Jean-Paul Lemarchal
Дата нараджэння	13 мая 1983(1983-05-13)
Месца нараджэння	Ла-Тронш[d], дэпартамент Ізер, рэгіён Рона — Альпы, Метраполія Францыі, Францыя
Дата смерці	30 красавіка 2007(2007-04-30) (23 гады)
Месца смерці	Сюрэн[d], дэпартамент О-дэ-Сен, рэгіён Іль-дэ-Франс, Метраполія Францыі, Францыя
Месца пахавання	cemetery of Sonnaz[d] grave of Grégory Lemarchal[d]
Краіна	Францыя
Музычная дзейнасць
Прафесіі	спявак
Гады актыўнасці	2004—2007
Інструменты	вакал
Жанры	поп-рок, рок
Лэйблы	Universal Mercury Records
Узнагароды	Vincent Scotto Award[d]
gregorylemarchal.fr (фр.)
Медыяфайлы на Вікісховішчы

Біяграфія

Грэгары Лемаршаль нарадзіўся ў мястэчку Ла-Тронш, недалёка ад Шамберы, дэпартамент Савоя. У два гады ў яго выявілі мукавісцыдоз.

Удзельнічаў у мясцовых тэлевізійных конкурсах (Tremplin des étoiles ў 1999 годзе) і перадачах (Graines de Stars ў 1999 годзе).

22 снежня 2004 г. стаў пераможцам чацвёртага сезону французскай Star Academy, стаўшы першым у гісторыі праекта пераможцам-мужчынам. За яго прагаласавала 80 % тэлегледачоў.

18 красавіка 2005 выйшаў яго першы альбом «Je deviens moi» (Я станаўлюся сабой).

У студзені 2006 г. ён атрымлівае прэмію — «Адкрыццё года» на NRJ Music Awards. З 9 мая па 26 мая 2006 г. ён з вялікім поспехам гастралюе па Францыі, Бельгіі і Швейцарыі. 29,30,31 мая і 24 чэрвеня Грэгары выступіў у легендарнай «Алімпіі».

У лютым 2007 ён заяўляе, што вымушаны зрабіць паўзу з-за дрэннага здароўя. Нягледзячы на гэта, запланаваны другі альбом. У пачатку красавіка ён праспяваў Vivo per lei з Элен Сегара.

У лютым 2007 года стан здароўя спевака сур'ёзна пагаршаецца, яму патрабуецца перасадка лёгкіх. 30 красавіка 2007 года ён памёр. Пахаваны на могілках мястэчка Саназ ў Савоі.

7 чэрвеня 2007 г. была афіцыйна зарэгістраваная Асацыяцыя супраць мукавісцыдоза імя Грэгары Лемаршаля — «Association Gregory Lemarchal». 18 чэрвеня 2007 г. быў прадстаўлены шырокай публіцы яго другі альбом.

Спасылкі

• Афіцыйны сайт Грэгары Лемаршаля на UniversalMusic Архівавана 19 красавіка 2006. (фр.).