Данута Браніславаўна Ганусевіч

Данута Браніславаўна Ганусевіч (нар. 11 чэрвеня 1932, х. Амбражына Ашмянскага раёна) — беларускі педагог, Заслужаны настаўнік БССР.

Данута Браніславаўна Ганусевіч
Род дзейнасці	настаўніца
Дата нараджэння	11 чэрвеня 1932(1932-06-11) (92 гады)
Месца нараджэння	Амбражына, Гальшанскі сельсавет, Ашмянскі раён, Беларусь
Грамадзянства	Беларусь
Альма-матар	Віцебскі дзяржаўны ўніверсітэт імя П. М. Машэрава
Узнагароды і прэміі	Грамата Прэзідыума Вярхоўнага Савета БССР (1978)

Біяграфія

Скончыла Гальшанскую СШ (1952), Віцебскі педагагічны інстытут (1956). У 1956—1986 гадах працавала выкладчыкам хіміі у Гальшанскай сярэдняй школе.

Дэлегат VІ з’езда настаўнікаў (1978), з’езда настаўнікаў СССР (1978).

Узнагароды

У 1974 годзе прысвоена ганаровае званне «Заслужаны настаўнік БССР». Узнагароджана ордэнам Працоўнага Чырвонага Сцяга (1971), Ганаровай граматай Вярхоўнага Савета БССР (1978).

Літаратура

• Ганусевіч Данута Браніславаўна // Краязнаўчы каляндар Ашмяншчыны на 2017 год / склад. Г. У. Палубінская.-Ашмяны, 2016. — С. 25.
• Ганусевіч Данута Браніславаўна // Памяць: гіст.-дакум. хроніка Ашмянскага раёна / рэдкал.: Г. К. Кісялёў [і інш.]. — Мн.: БЕЛТА, 2003. — С. 561. (Вызначыліся працай. Заслужаны настаўнік).