Дану (народ)
Дану (саманазва: ဓနု) — тыбета-бірманскі этнас ў М’янме. Агульная колькасць (2022 г.) — 117 000 чалавек[1].
| Дану (ဓနု) | |
| |
Фота 1906 г.
| |
| Агульная колькасць | 117 000 (2022 г.) |
|---|---|
| Рэгіёны пражывання |  М’янма
|
| Мова | інтха-дану |
| Рэлігія | будызм |
| Блізкія этнічныя групы | бірманцы, інтха |
Дану насяляюць горны рэгіён на ўсход ад рэчышча Іравадзі. Паводле іх міфаў, яны паходзяць ад стральцоў, накіраваных у познім сярэднявеччы бірманскімі валадарамі на памежжа з землямі шанаў. Само слова дану значыць «лук». У М’янме лічыцца, што дану сфарміраваліся ў выніку мірных кантактаў паміж бірманцамі і шанамі, дану нават разглядаюцца як этнічная група шанаў[2].
У сярэдзіне XVIII ст. дану былі падпарадкаваны шанскімі валадарамі, але ў канцы XVIII ст. увайшлі ў склад М’янмы. 20 жніўня 2010 г. была створана зона самакіравання дану.
Асноўныя заняткі — земляробства і гандаль. Большасць вернікаў спавядае будызм напрамку тхеравада. Размаўляюць на мове, супольнай з мовай інтха.
