Джон Кунстадтэр
Джон Кунстадтэр (англ.: John Kunstadter Jr.) — амерыканскі дыпламат і прафесійны фатограф.
Джон Кунстадтэр | |
---|---|
Род дзейнасці | фатограф |
Грамадзянства | |
Узнагароды і прэміі |
Біяграфія правіць
На дыпламатычнай службе працаваў у Турцыі, Балгарыі, у Дзярждэпартаменце ЗША як рэферэнт па Тунісе, старшы рэферэнт па Эстоніі, Латвіі і Літве. У 2000—2001 гадах займаў пасаду намесніка пасла ЗША у Беларусі. Добра валодае беларускай мовай. У 2005 годзе звольніўся з дыпламатычнай службы і прафесійна займаецца фатаграфіяй. Жыве ў Чыкага.[1]
Фатаграфія правіць
Фатаграфуе з 1968 года, за гэты час здымаў у больш за 50-ці краінах на чатырох кантынентах[2]. З 2006 года каля 90 дзён штогод, колькі дазваляе віза, праводзіць у Беларусі фатаграфуючы беларускую глыбінку. Супрацоўнічае з Беларускім добраахвотным таварыствам аховы помнікаў гісторыі і культуры.[1]
Станам на пачатак 2010 года ў Кунстадтэра ў рабоце 5 праектаў звязаных з Беларуссю[1]:
- Over This Quiet and Calm Land / Над Беларусяй ціхай і ветлай
- Belarusan Book of Hours / Кола года
- A New Birth of Faith/Новае нараджэнне веры
- Along the Prypjats’ / Уздоўж Прыпяці
- Portraits on my Mind / Сэрца просіць
Персанальныя выставы Кунстадтэра прайшлі ў Вашынгтоне (1997), Анкары (2000, 2002, 2003, 2005), Гродна (2008), Паставах (2008), Мінску (2010)[1]. Выставы прысвечаныя Беларусі прайшлі ў ААН у Нью-Ёрку сумесна з Паўнамоцным прадстаўніцтвам Беларусі ў ААН (2008) і ў альма-матар Кунстадтэра ў Нью-Ёрку (2012)[2]. Таксама Кунстадтэр удзельнічаў у трох выставах у Нацыянальнай бібліятэцы Беларусі (2006—2007)[1].
Узнагароды правіць
Узнагароджаны медалём 100 гадоў БНР Рады Беларускай Народнай Рэспублікі[3].
Зноскі
Літаратура правіць
- Джон Кунстадтэр в Волковыске // Волковыск.BY [Электронный ресурс] — Режим доступа http://volkovysk.by/ -- Дата доступа 02.11.2014
- Ражанцова Г. Джон Кунстадтэр: «Няма чалавека акрамя простага чалавека» // ZНЯТА: Главный белорусский фотопортал [Электронны рэсурс] — Рэжым доступу http://znyata.com/ -- Дата доступу 02.11.2014
Спасылкі правіць
- http://radzimaphoto.com/ -- старонка Джона Кунстадтэра