Джон Элтэмскі (граф Корнуал)
Джон Элтэмскі — (англ.: John of Eltham, Earl of Cornwall; 15 жніўня 1316, замак Элтэм, цяпер — у Лондане — 13 верасня 1336, Перт) — другі сын караля Англіі Эдуарда II і яго жонкі Ізабелы Французскай.
| Джон Элтэмскі | |
|---|---|
| англ.: John of Eltham | |
 | |
 | |
| Нараджэнне |
15 жніўня 1316[1][2] |
| Смерць |
13 верасня 1336[3] (20 гадоў) |
| Месца пахавання | |
| Род | Анжуйская дынастыя |
| Бацька | Эдуард II |
| Маці | Ізабела Французская[d] |
| Дзейнасць | арыстакрат |
 Медыяфайлы на Вікісховішчы | |
БіяграфіяПравіць
Нарадзіўся ў 1316 годзе ў замку Элтэм (Кент). У 1324 годзе Англія вяла вайну з Францыяй, і, з асцярог, што маці-францужанка можа настроіць дзяцей супраць бацькі, у Ізабелы Французскай забралі траіх малодшых дзяцей. Верагодна, выхаванне Джона даручылі Элінор дэ Клер, жонцы Х’ю Дыспенсера-малодшага. Калі ўвосень 1326 года паўстанцы ў Лондане вымусілі Элінор дэ Клер здаць Таўэр, яны прызначылі дзесяцігадовага Джона Элтэмскага захавальнікам замка і горада.
Атрымаў тытул графа Корнуала 6 кастрычніка 1328 года. У 1329 годзе падчас адсутнасці Эдуарда III, які адправіўся ў Францыю для прынясення васальнай прысягі, быў прызначаны намінальным намеснікам. Прыняў удзел у якасці камандзіра перадавога атрада ў бітве пры Хэлідан Хіл. У 1335 годзе заняў заходнюю Шатландыю. Памёр у Перце ва ўзросце 20 гадоў. Паведамленне шатландскага летапісца Джона Фордуна (Chronica Gentis Scotorum) пра тое, што Джон Элтэмскі быў забіты ў сварцы сваім братам Эдуардам III вельмі сумніўна. Англійскі рыцар сэр Томас Грэй у сваёй Scalacronica кажа толькі, што Джон Элтэм памёр «цудоўнай смерцю». Паводле паведамлення біёграфа Ізабелы Французскай Э. Уэйр, прынц памёр ад ран, атрыманых у сутычцы з шатландцамі[4]. Пахаванне Джона Элтэмскага прайшло ў Лондане ў студзені 1337 года. Магіла знаходзіцца ў Вэстмінстэрскім абацтве.
Пасля смерці Джона Элтэмскага тытул графа Корнуала спыніў сваё існаванне.
Сям’яПравіць
У кастрычніку 1334 года Джон Элтэмскі атрымаў дазвол ад Папы на шлюб з Марыяй, дачкой Фердынанда IV Кастыльскага, інфанта памерла да вяселля[5].
ЗноскіПравіць
- ↑ John Plantagenet of Eltham // Find a Grave — 1996. Праверана 9 кастрычніка 2017.
- ↑ Lundy D. R. John of Eltham Plantagenet, Earl of Cornwall // The Peerage Праверана 9 кастрычніка 2017.
- ↑ https://www.westminster-abbey.org/abbey-commemorations/royals/john-of-eltham-earl-of-cornwall Праверана 9 жніўня 2021.
- ↑ Уэйр Э. Французская волчица — королева Англии. Изабелла / Перевод с английского А. Немировой. — М.: АСТ: Астрель, 2010. — С. 501. — 3 000 экз. — ISBN 978-5-17-041727-8 (АСТ) 978-5-271-29373-3 (Астрель)..
- ↑ Уэйр Э. Французская волчица — королева Англии. Изабелла / Перевод с английского А. Немировой. — М.: АСТ: Астрель, 2010. — С. 500. — 3 000 экз. — ISBN 978-5-17-041727-8 (АСТ) 978-5-271-29373-3 (Астрель)..
ЛітаратураПравіць
- Уэйр Э. Французская волчица — королева Англии. Изабелла / Перевод с английского А. Немировой. — М.: АСТ: Астрель, 2010. — 629 с. — 3 000 экз. — ISBN 978-5-17-041727-8 (АСТ) 978-5-271-29373-3 (Астрель).