Драўляная царква сяла Хірышэнь
Царква Успення Прасвятой Багародзіцы — драўляны праваслаўны храм, пабудаваны ў 1642 годзе ў малдаўскім сяле Хірышэнь. У цяперашні час царква з'яўляецца экспанатам Музея сяла ў Кішынёве, Малдова.
| Славутасць | |
| Драўляная царква сяла Хірышэнь | |
|---|---|
_-_jul_2015.jpg) | |
| 46°58′21″ пн. ш. 28°52′26″ у. д.HGЯO | |
| Краіна |
 Малдова |
| Месцазнаходжанне |
|
| Дата заснавання | 1642 |
| Вышыня | 27 ± 1 м |
| Матэрыял | драўніна |
 |
|
 Медыяфайлы на Вікісховішчы | |
Гісторыя правіць
Царква была ўзведзена ў 1642 годзе жыхарамі вёскі Хірышэнь, і першапачаткова размяшчалася не ў гэтым сяле, а ў манастыры вёскі Хыржаўка. У 1821 годзе манастыр пераехаў у іншае месца, а царкву разабралі і перанеслі ў Хірышэнь (цяпер Тэленешцкі раён), дзе яна працягвала дзейнічаць да 1928 года, пакуль там не быў пабудаваны каменны храм. Старую царкву працягвалі выкарыстоўваць як адпявальную пры могілках[1].
На пачатак 21 ст. будынак быў у вельмі дрэнным стане. У яго не было даху, драўляныя сцены былі пашкоджаныя дажджом і снегам. Этнаграфічны музей Кішынёва пачаў перагаворы з жыхарамі вёскі аб пераносе будынка ў сталіцу. У рэшце рэшт яны пагадзіліся, і ў 2009 годзе храм быў разабраны і перанесены ў Кішынёў, дзе пачаліся рэстаўрацыйныя работы[2]. Рэстаўратары імкнуліся захаваць столькі арыгінальных элементаў, колькі было магчыма, таму яны выкарыстоўвалі арыгінальныя вырабы з дрэва і апрацоўвалі іх адмысловымі матэрыяламі для павышэння даўгавечнасці. Дах быў зроблены занава[3].
Царква была асвячона восенню 2011 года ў імя Успення Прасвятой Багародзіцы. Гэта найстаражытнейшы рэлігійны помнік Малдовы, а таксама самая вялікая драўляная царква ў краіне — 27 метраў у вышыню[4].
Варвара Бузілэ, сакратар этнаграфічнага музея, заявіла, што царква з'яўляецца адзінай у сваім родзе ў Рэспубліцы Малдова на дадзены момант (2011). Яна сказала: «Паўночны малдаўскі стыль гэтай царквы робіць яе падобнай з цэрквамі Букавіны. У цяперашні час у нас няма іншай царквы такога тыпу, у якой бы была такая вышыня і падобныя добрыя прапорцыі». Вядома аб існаванні яшчэ адной падобнай царквы ў Тэленешцкім раёне, але яна была знесена ў 1980-х гадах[3].
Галерэя правіць
Знос старой царквы правіць
Аднаўленне правіць
Цырымонія асвячэння правіць
Царква сёння правіць
Зноскі правіць
- ↑ Biserica medievală "Adormirea Maicii Domnului", Muzeul Satului, or. Chișinău(недаступная спасылка). ortodox.md (1 мая 2012). Архівавана з першакрыніцы 18 сакавіка 2015. Праверана 27 чэрвеня 2015.
- ↑ Biserica de lemn din Hirișeni, montată la Muzeul Satului din Chișinău(недаступная спасылка). Jurnal de Chișinău (23 верасня 2011). Архівавана з першакрыніцы 5 сакавіка 2016. Праверана 27 чэрвеня 2015.
- ↑ а б O biserica de lemn veche din 1642 poate fi vizitată la Muzeul Satului. Timpul de dimineață (27 верасня 2011). Праверана 27 чэрвеня 2015.
- ↑ Biserica din Hirișeni – strămutată la Chișinău. ortodox.md (9 кастрычніка 2014). Праверана 27 чэрвеня 2015.
Спасылкі правіць
- Старадаўняя драўляная царква Успення Прасвятой Багародзіцы (Кішынёў) // ortodox.md (руск.)