Друдэнхаус
Друдэнхаус (ням.: Drudenhaus — «дом начных духаў») — спецыяльная турма для людзей, якія абвінавачваюцца ў вядзьмарстве ў нямецкім горадзе Бамберг. Пабудавана ў 1627 годзе па загадзе бамбергскага князя-біскупа Іагана Георга Фукса фон Дорнхейма і зачынена ў 1632 годзе[1].
| Друдэнхаус | |
|---|---|
 | |
| Месцазнаходжанне | Бамберг, Германія |
| Каардынаты | 49°53′36″ пн. ш. 10°53′28″ у. д.HGЯO |
| Бягучы статус | Разбурана |
| Колькасць месцаў | 26 адзіночных і 2 камеры групавога ўтрымання |
| Адкрыццё | 1627 |
| Закрыццё | 1632 |
Гісторыя правіць
Бамбергскі Друдэнхаус не быў унікальным: меншыя друдэнхаусы таго ж тыпу былі пабудаваны таксама ў Цайле-на-Майне, Хальштаце і Кронаху, але ён быў самым вялікім і самым вядомым. Турма была пабудавана падчас судовых працэсаў над бамбергскімі ведзьмамі, якія пачаліся ў 1626 годзе, і выкарыстоўвалася да іх заканчэння.
Згодна з «Каталогам», у красавіку 1631 года ў турме былі зняволеныя 20 чалавек[2].
За ўвесь час палявання на ведзьмаў каля 300 жыхароў Бамберга і 900 чалавек у Хохштыфце былі пакараныя на вогнішчы, у тым ліку вядомыя асобы, такія як мэр Ёган Юній, епіскапскі канцлер доктар Георг Хаан, які крытыкаваў судовыя працэсы, і Даратэя Флок.
Падчас Трыццацігадовай вайны, 11 лютага 1632 года, калі шведская армія накіравалася на Бамберг, князь-біскуп загадаў зачыніць турму. Апошнія дзесяць зняволеных у турму «ведзьмаў» былі вызваленыя, але пры адной умове: яны павінны былі паклясціся, што не адчувалі жорсткага абыходжання і не падвяргаліся катаванням[3].
Сам будынак быў знесены ў 1635 годзе. У 1654 годзе камяні былі выкарыстаны пры будаўніцтве манастыра Капуцынаў[4].
Зноскі
- ↑ Vgl. Patricius Wittmann, Das Bamberger Trudenhaus, Zeitschrift des Münchner Alterthumsvereins, Neue Folge Nr. 5, München C. Fritsch 1892, S. 22,23.
- ↑ Der «Cathalogus» findet sich abgedruckt bei Friedrich Leitschuh: Beiträge zur Geschichte des Hexenwesens in Franken, Bamberg 1883, S. 55-58
- ↑ Vgl. Tagebuch der Dominikanernonne Maria Anna Junius, abgedruckt in: 52. Bericht über Bestand und Wirken des Historischen Vereins Bamberg für das Jahr 1890, S. 7-223, hier: S. 14
- ↑ Vgl. Robert Zink: Hexenverfolgungen in Bamberg, in: bamberg heute, 1982 Heft 1, S. 12