Дубровенскі дзяржаўны прафесійны ліцэй сельскагаспадарчай вытворчасці
Дубровенскі дзяржаўны прафесійны ліцэй сельскагаспадарчай вытворчасці — установа прафесійнага навучання ў горадзе Дуброўна.
Дубровенскі дзяржаўны прафесійны ліцэй сельскагаспадарчай вытворчасці | |
---|---|
Заснавана | 1945 |
Дырэктар | Аляксандр Азаранка[1] |
Тып | прафесійны ліцэй[d] |
Вучняў | Віцебская вобласць, Дубровенскі раён, г. Дуброўна, вул. Нікандравай, д. 31. |
Сайт | dgpl.by |
Гісторыя правіць
Сваю гісторыю ліцэй пачаў з 1 кастрычніка 1945 года. У кастрычніку 1945 года ў пасёлку Бабінічы Аршанскага раёна была створана школа механізацыі сельскай гаспадаркі. Школу механізацыі ўзначаліў Іван Пятровіч Бібікаў.
У 1963 годзе вучылішча было пераведзена з Бабінічаў у Дуброўна, а ў наступным годзе яно было перайменавана ў СПТВ-35.
У 1968 годзе быў здадзены новы навучальны корпус, а потым лабараторна-практычны корпус і інтэрнат. З 1970 года вучылішча было пераведзена ў разрад сярэдніх прафесійна-тэхнічных вучылішчаў. З 1 верасня 1984 года ў сувязі з рэформай агульнаадукацыйнай і прафесійнай школ — перайменавана ў Дубровенскае сярэдняе прафесійна-тэхнічнае вучылішча № 171.
З 14 жніўня 2002 года — дзяржаўны прафесійны ліцэй сельскагаспадарчай вытворчасці[2].
Ліцэй вядзе падрыхтоўку рабочых кадраў па прафесіях на аснове базавай адукацыі:
- «Тэхнічнае забеспячэнне сельскагаспадарчых работ. Эксплуатацыя і рамонт аўтамабіляў»;
- «Тэхналогія зварачных работ. Эксплуатацыя і рамонт аўтамабіляў»;
- «Лабараторныя даследаванні і вымярэнні ў вытворчасці. Грамадскае харчаванне»;
- «Тэхналогія вытворчасці швейных вырабаў. Эксплуатацыя электронна-вылічальных машын».
На аснове сярэдняй адукацыі:
- «Эксплуатацыя і рамонт аўтамабіляў».
Зноскі
Літаратура правіць
- Малчанава, І. «Захварэць» прафесіяй / І. Малчанава // Дняпроўская праўда (Дуброўна). — 2002. — 26 снеж. — С. 2.
- Навумава, А. Кузня кадраў для народнай гаспадаркі / А. Навумава // Дняпроўская праўда (Дуброўна). — 2005. — 30 крас. — С. 3.
- Навумава, А. А. Ліцэй чакае навучэнцаў / А. А. Навумава // Дняпроўская праўда (Дуброўна). — 2007. — 1 верас. — С. 1-2.
- Пастернак, Т. Будущие трактористы изучают компьютеры / Т. Пастернак // Народнае слова. — 2010. — 30 кастр. — С. 3.
- Старавойтова, Ю. Школьники гостили в Дубровенском лицее / Ю. Старавойтова // Дняпроўская праўда (Дуброўна). — 2018. — 11 крас. — С. 4.