Жанчына з Хюлдрэмоса
Жанчына з Хюлдрэмоса, або Жанчына з балота Хюлдрэ — назва балотнай жанчыны, рэшткі якой былі знойдзены ў 1879 годзе паблізу паселішча Рамтэн у Даніі. Радыёвуглеродны аналіз паказаў, што жанчына жыла ў жалезным веку, каля 160 г. да н. э. — 340 г. н. э. Муміфікаваня парэшткі жанчыны выстаўлены ў музеі Капенгагена. Складанае адзенне, якое насіла жанчына з Хюлдрэмоса, было рэканструявана і выстаўлялася ў шэрагу музеяў[1].
Адкрыццё правіць
15 мая 1879 года балотнае цела было знойдзена школьным настаўнікам Нільсам Хенсанам у Рамтэне пасля раскопкі торфу на глыбіні 1 метр. Хенсан паведаміў пра знаходку таварышу-настаўніку, які паведаміў пра гэта паліцыі, а таксама фармацэўту, які перамясціў цела ў найбліжэйшы хлеў для правядзення экспертызы. Пазней цела перадалі ў Нацыянальны музей у Капенгагене[1].
Апісанне правіць
Цела было знойдзена з нагамі, сагнутымі за спіной, з амаль адсечанай правай рукой. Лічыцца, што рана на руцэ была атрымана ад рыдлёўкі падчас раскопак[2]. Акрамя гэтага труп быў цэлы.
Перш чым жанчына памерла, яна зламала адну нагу, хоць тая загаілася[2], была апранута ў кашулю і накідку з авечай воўны, а таксама шалік і спадніцу, таксама з воўны. Былі таксама знойдзеныя грабянец і галаўная павязка. Ірваныя раны на адной з ног лічыліся пасмяротнымі траўмамі, нанесенымі рыдлёўкай, пазней яны не былі ацэненыя як атрыманыя ў момант смерці. Таксама была выяўленая вяроўка на шыі цела, што можа даказаць, што яна была павешана ці задушаная, хоць гэта, магчыма, былі каралі.
Цела было паўторна вывучана неінвазіўна ў 1990 годзе[3], а таксама падвергнута дыетычнаму аналізу ў 1999 годзе[4]. Рэнтгенаграфія выявіла валасяное шчацінне на скуры чэрапа, а таксама рэшткі мозгу ўнутры чэрапа. Косткі былі дэмінералізаваныя, як і ў многіх іншых балотных тэл. Дыетычны аналіз складаўся з даследавання двух узораў змесціва кішэчніка і паказаў, што апошняй ежай жанчыны быў жытні хлеб.
Зноскі
- ↑ а б Gleba, Margarita; Mannering, Ulla A thread to the past: the Huldremose Woman revisited(англ.) // Archaeological textiles newsletter : journal. — Leiden: 2010. — С. 32—37. — ISSN 0169-7331.
- ↑ а б Bog bodies of Europe. Wikispaces.com. Архівавана з першакрыніцы 2 ліпеня 2012. Праверана 14 мая 2012.
- ↑ The Iron Age Bog Bodies of the Archäologische Landesmuseum Schloss Gottorf. — 2005.
- ↑ Gill-Robinson, Heather. The Iron Age Bog Bodies of the Archäologische Landesmuseum Schloss Gottorf (англ.). — 2005. — С. 32.
Спасылкі правіць
На Вікісховішчы ёсць медыяфайлы па тэме Жанчына з Хюлдрэмоса- The woman from Huldremose at National Museum of Denmark
- Clothing and Hair Styles of the Bog People on archaeology.org
