Зеверын Фройнд

Зеверын Фройнд (ням.: Severin Freund, нар. 11 мая 1988 года, Фрайунг, ФРГ) — нямецкі скакун з трампліна, алімпійскі чэмпіён у камандных спаборніцтвах, трохразовы прызёр і двухразовы чэмпіён свету. Уладальнік Кубка свету сезона 2014/2015.

Зеверын Фройнд
ням.: Severin Freund
Агульная інфармацыя
Пол	мужчынскі пол
Спецыялізацыя	скачкі на лыжах з трампліна
Нарадзіўся	11 мая 1988(1988-05-11) (35 гадоў) Freyung[d], Freyung-Grafenau[d], Ніжняя Баварыя, Баварыя, ФРГ
Грамадзянства	Германія
Рост	185 см
Вага	67 кг
Афіцыйны сайт
Медыяфайлы на Вікісховішчы

Біяграфія

У 5 гадоў Зеверын Фройнд пачаў займацца лыжных дваябор’ем. Праз два гады Зеверын перайшоў у секцыю скачкоў з трампліна. На юніёрскім узроўні галоўным поспехам у кар’еры Фройнда быў залаты медаль у камандным першынстве на моладзевым чэмпіянаце свету 2008 года. У Кубку свету Зеверын Фройнд дэбютаваў у 19 гадоў 22 снежня 2007 года на этапе ў швейцарскім Энгельбергу. Праз тры гады на этапе Кубка свету ў тым жа Энгельбергу Зеверын упершыню трапіў у дзясятку лепшых, заняўшы 8-е месца. 15 студзеня 2011 года ў Сапара нямецкі скакун атрымаў сваю першую перамогу ў сусветным кубку. Па выніках сезона 2010/11 Фройнд заняў высокае 7-е месца ў агульным заліку. На чэмпіянаце свету па лыжных відах спорту 2011 года Зеверын у складзе зборнай Германіі стаў бронзавым прызёрам. Сезон 2012/13 пачаўся для нямецкага скакуна вельмі паспяхова. Пасля 5 першых этапаў Фройнд захапіў лідарства ў агульным заліку, выйграўшы пры гэтым два старты ў Лілехамеры і Куусама, аднак неўзабаве яго абышоў Грэгар Шлірэнцаўэр, а да сярэдзіны сезона Фройнд і зусім апусціўся на 4-е месца. У канцы сезону пасля этапу ў фінскім Куапіа Фройнд апярэдзіў Андэрса Якабсена і падняўся на 3-е месца, але ўжо на наступным этапе ў Тронхейме яго апярэдзіў паляк Каміл Стох. Па выніках сезона 2014/15 Фройнд заняў 1-е месца, выйграўшы ў славенскага скакуна Петэра Превца па колькасці перамог на этапах пры аднолькавай колькасці набраных ачкоў, што з’яўляецца лепшым вынікам у кар’еры нямецкага скакуна.