Вікіпедыя

Зона адпачынку экіпажа

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Зо́на адпачы́нку экіпа́жа — адсек або спецыяльна адведзенае месца ўнутры самолёта, прызначанае для адпачынку членаў экіпажа пры выкананні дальніх рэйсаў. Паколькі максімальна дапусцімая працягласць работы экіпажа абмежаваная авіяцыйным рэгламентам, а часам таксама працоўным заканадаўствам, рэйсы, якія па працягласці перавышаюць гэты час, выконваюцца са зменным экіпажам. Члены экіпажа могуць скарыстацца зонамі адпачынку ў нерабочы час.[1].

Адсек адпачынку экіпажа

Размяшчэнне

правіць
 
Модульны адсек для Boeing 747.
 
Адсек адпачынку ў Ан-22.
 
Спальныя месцы для лётнага экіпажа ў Boeing 787.

Адсекі для адпачынку экіпажа звычайна прысутнічаюць на далёкамагістральных лайнерах і могуць размяшчацца над пасажырскім салонам (у гэтым выпадку ў іх трэба падымацца па сходах[2]) або побач з ім[3]. Секцыі для пілотаў, размешчаныя ў пярэдняй частцы самалёта, аддзеленыя ад размешчаных ззаду секцый для бортправаднікоў[4].

На некаторых самалётах існуе магчымасць усталявання такога адсека ў выглядзе модуля (англ.: crew rest module). Модуль альбо мае форму стандартнага грузавога кантэйнера і памяшчаецца ў грузавы адсек самалёта, размешчаны пад пасажырскім салонам (уваход у яго ажыццяўляецца праз спецыяльны люк, схаваны ад пасажыраў), альбо прызначаны для ўстаноўкі ўнутры пасажырскага салона[5]. Такая схема дазваляе ўсталёўваць адсекі па неабходнасці і здымаць іх, калі борт не выкарыстоўваецца для далёкіх рэйсаў.

Адсекі адпачынку таксама могуць прысутнічаць на транспартных і ваенна-транспартных самалётах.

Апісанне

правіць

Адсекі могуць абсталёўвацца спальнымі месцамі, часам — дадатковымі сядзеннямі[6]. Спальныя месцы могуць быць койкамі[7] або секцыямі капсульнага тыпу[8], могуць аддзяляцца перагародкамі ці фіранкамі. Ложкі маюць пасы на выпадак траплення ў турбулентнасць, аднак знаходзіцца на іх падчас рулення, узлёту і пасадкі забаронена[6]. Адсекі таксама абсталёўвацца адмысловымі аддзяленнямі (якія закрываюцца) для дарожных сумак і іншых прадметаў. Месцы могуць быць абсталяванымі экранамі бартавой сістэмы забаў (IFE)[6]. Адсекі для пілотаў могуць мець асобны туалет[6].

У пакоях адпачынку забаронена знаходзіцца падчас рулення, ўзлёту і пасадкі[9]. Выключэнні могуць рабіцца для адсекаў, абсталяваных крэсламі з пасамі[10]. Для забеспячэння адпачынку адсекі могуць мець палепшаную гукаізаляцыю ў параўнанні з пасажырскім салонам.

Доступ пасажыраў у адсекі адпачынку абмежаваны рэгламентам. Для прадухілення несанкцыянаванага доступу ўваходы ў адсекі могуць быць абароненымі звычайнымі або кодавымі замкамі[2].

Наяўнасць і ўзровень аснашчанасці зон адпачынку вар’іруецца не толькі на розных тыпах самалётаў, але і на самалётах адной мадэлі ў розных авіякампаній. Самалёты абсталёўвацца адсекамі па жаданні заказчыка. У некаторых краінах наяўнасць такіх адсекаў патрабуецца заканадаўствам, напрыклад, у ЗША у патрабаваннях FAA ёсць палажэнні, паводле якіх адсекі адпачынку павінны прысутнічаць на доўгіх рэйсах, дзе выкарыстоўваецца некалькі змен экіпажа[11]. Паколькі ўстаноўка гэтых секцый павялічвае кошт самалёта, кампаніі могуць на іх эканоміць, да прыкладу, не абсталёўваючы самалёты адсекамі для бортправаднікоў. Так, на далёкамагістральных самалётах Аэрафлота адасоблены адсек адпачынку ёсць толькі ў лётнага экіпажа, бортправаднікі ж могуць адпачываць толькі на задніх шэрагах салонаў, калі там няма пасажыраў.

Тыпы зон адпачынку

правіць

FAA вызначае 3 класы зон адпачынку, якія павінны надавацца ў залежнасці ад колькасці членаў экіпажа і працягласці рэйса[12]:

  • 1 клас — адсек фізічна аддзелены ад кабіны пілотаў і пасажырскага салона; абсталяваны ложкамі або плоскасцямі для сну; ёсць магчымасць гукавой і светлавой ізаляцыі.
  • 2 клас — ёсць магчымасць заняць ляжачае становішча (раскладныя сядзенні ў бізнэс-класе альбо некалькі размешчаных побач крэслаў эканомкласа); наяўнасць фіранак, якія можна запнуць.
  • 3 клас — наяўнасць адкідных крэслаў з падтрымкай для ног.

Самалёты, абсталяваныя адсекамі адпачынку

правіць

Крыніцы

правіць
  1. ↑ Kingston, Annie. "The Reality Of Being A Flight Attendant. The Huffington Post (21 студзеня 2016).
  2. ↑ а б Inside Look: Crew Rest Areas on Different Airliners - AirlineReporter. Airline Reporter (13 кастрычніка 2014). Праверана 26 July 2016.
  3. ↑ Inside the part of the plane you can’t see. news.com.au. Праверана 26 July 2016.
  4. ↑ Federal Register | Special Conditions: Airbus, Model A350-900 Series Airplane; Crew Rest Compartments. www.federalregister.gov.
  5. ↑ Crew rest module. AeroExpo. Праверана 31 кастрычніка 2018.
  6. ↑ а б в г Sims, Alexandra. Inside planes’ secret bedrooms where cabin crew go to rest. Independent (2 чэрвеня 2016).
  7. ↑ Boeing 747-4D7 - Thai Airways International. Airliners.net (24 красавіка 2004).
  8. ↑ Boeing 777-212/ER - Singapore Airlines. Airliners.net (лістапад 2004).
  9. ↑ Federal Register | Special Conditions: Airbus, A350-900 Series Airplane; Crew Rest Compartments. www.federalregister.gov.
  10. ↑ Special Condition D-04.
  11. ↑ Preventing Crew Fatigue from A to Zzz. aviationweek.com. Business & Commercial Aviation. Праверана 26 ліпеня 2016.
  12. ↑ Advisory Circular AC 117-1. Federal Aviation Administration. Праверана 26 ліпеня 2016.


  Зона адпачынку экіпажа на Вікісховішчы
Узята з "https://be.wikipedia.org/wiki/Зона_адпачынку_экіпажа"