Каліхорэ (спадарожнік)

Каліхорэ (ад стар.-грэч.: Καλλιχόρη) — адзін з натуральных спадарожнікаў Юпітэра, вядомы таксама як Юпітэр XLIV.

Адкрыццё

Каліхорэ быў знойдзены 6 лютага 2003 г групай астраномаў з Гавайскага ўніверсітэта пад кіраўніцтвам Скота Шэпарда. 30 сакавіка 2005 г Міжнародны астранамічны саюз прысвоіў спадарожніку афіцыйную назву Каліхорэ.

Арбіта

Каліхорэ здзяйсняе поўны абарот вакол Юпітэра на адлегласці ў сярэднім 24.043.000 км за 764,7 дня. Арбіта мае эксцэнтрысітэт 0,264. Нахіл рэтраграднай арбіты 165,5 °. Належыць да групы Кармэ.

Фізічныя характарыстыкі

Дыяметр Каліхорэ складае ў сярэднім каля 2 км. Шчыльнасць вельмі груба ацэньваецца 2,6 г/см³, бо спадарожнік складаецца, верагодна, з пераважна сілікатных парод. Вельмі цёмная паверхня мае альбеда 0,04. Зорная велічыня +23,7 m.