Карл Клінг

Карл Клінг (ням.: Karl Kling; 16 верасня 1910, Гісен — 18 сакавіка 2003, Гаенхофен) — нямецкі аўтагоншчык, пілот Формулы-1 (1954—1955).

Карл Клінг
Род дзейнасці	пілот Формулы-1
Дата нараджэння	16 верасня 1910(1910-09-16)
Месца нараджэння	Гісен, раён Гісен, адміністрацыйная акруга Гісен[d], Гесэн, Германія
Дата смерці	18 сакавіка 2003(2003-03-18) (92 гады)
Месца смерці	Геменгофен[d], Гаенгофен[d], раён Констанц[d], адміністрацыйная акруга Фрайбург, Бадэн-Вюртэмберг, Германія
Грамадзянства	Германія
Узнагароды і прэміі	спартсмен года Германіі[d] (1952)
Медыяфайлы на Вікісховішчы

Кар’ера

Карл Клінг захапляўся аўтаспортам яшчэ да Другой сусветнай вайны, але прафесійным аўтагоншчыкам стаў толькі ў 1947 годзе, калі яму было ўжо 37 гадоў. Тады ў Хакенхайме ён выйграў гонку на BMW. У 1948—1949 гадах Карл Клінг стаў чэмпіёнам Германіі па аўтагонках (спорт-кары, 2-літровы клас) на Veritas. А ў 1950 годзе Карл ездзіў на Veritas у Формуле-2. Там ён атрымаў тры перамогі, пасля чаго быў запрошаны ў каманду Mercedes. У яе складзе ў 1951 Клінг заняў 2 месца ў амерыканскім Кубку Эвы Перон.

У 1952 годзе Карл Клінг ездзіў на Mercedes 300 SL. Ён не змог удала выступіць у 24 гадзінах Ле-Мана, затое выйграў Carrera Panamericana і Prix de Berne, а таксама стаў другім у Mille Miglia.

У 1953 годзе Клінг выступаў за Alfa Romeo, але ў 1954 вярнуўся за руль Мэрсэдэса. Ён быў, праўда, у цені партнёра (а ім быў вялікі Хуан-Мануэль Фанхіа), затое адзначыўся яскравай перамогай на Гран-пры Берліна. У Формуле-1 тады ён заняў 5 месца ў чэмпіянаце і 1 раз (Францыя) прыйшоў на подыум.

У 1955 годзе ў Mercedes прыйшоў Стырлінг Мос, і Клінг выступіў у Формуле-1 ужо не так паспяхова (11 месца ў чэмпіянаце). Затое разам з Фанхіа ён заняў 2 месца ў Tourist Trophy і Targa Florio. Пасля гэтага ён сышоў з аўтаспорту.