Касцёл Дабравешчання Найсвяцейшай Дзевы Марыі (Петрыкаў)
Касцёл Дабравешчання Найсвяцейшай Дзевы Марыі — мураваны каталіцкі храм у горадзе Петрыкаве Гомельскай вобласці. Размяшчаецца на вуліцы Карла Маркса.
| Каталіцкі храм | |
| Касцёл Дабравешчання Найсвяцейшай Дзевы Марыі | |
|---|---|
 | |
| 52°07′45″ пн. ш. 28°29′15″ у. д.HGЯO | |
| Краіна |
 Беларусь |
| Горад | Петрыкаў |
| Канфесія | Каталіцызм |
| Епархія |
Пінская дыяцэзія Мазырскі дэканат |
| Будаўніцтва | 1999—2001 гады |
| Стан | дзейнічае |
 |
|
Гісторыя
правіць.jpg)
У 1638 годзе віленскі кашталян Крыштаф Хадкевіч фундаваў у Петрыкаве драўляны каталіцкі касцёл.
Каталіцкая парафія ў Петрыкаве існавала да Першай сусветнай вайны. Драўляны касцёл быў закрыты царскімі ўладамі ў другой палове XIX стагоддзя. Святыня не дзейнічала да 1902 года, вернікі маліліся ў капліцы на могілках. Драўляныя касцёл і капліца былі знішчаны падчас Першай сусветнай вайны[1].
Мураваны храм узведзены ў 1999—2001 гадах з цэглы.
Архітэктура
правіцьУ архітэктуры храма адчуваюцца гатычныя рэмінісцэнцыі. Лапідарную аб'ёмна-прасторавую кампазіцыю фарміруюць прамавугольная ў плане малітоўная зала пад двухсхільным дахам і далучаная да яе з франтальнага боку трох’ярусная чатырохгранная шатровая званіца. Плоскасныя бакавыя фасады рытмічна расчлянёны стральчатымі аконнымі праёмамі. На белакаменным фоне сцен вылучана чырвона-цагляная арнаментыка фрызаў, ліштвы вокнаў і прамавугольнага ўваходнага праёма, між'ярусныя паясы[2].
Зноскі
- ↑ http://www.radzima.org/be/object/8919.html
- ↑ ПЕТРЫКАЎСКІ КАСЦЁЛ ЗВЕСТАВАННЯ НАЙСВЯЦЕЙШАЙ МАРЫІ(недаступная спасылка). Архівавана з першакрыніцы 15 кастрычніка 2019. Праверана 15 кастрычніка 2019.
Літаратура
правіць- Кулагін А. М. Каталіцкія храмы Беларусі: Энцыкл. даведнік / А. М. Кулагін.