Клаймеры, або клаймінгі (англ.: Climbing) — назва пляцістых формаў, спортаў (англ.: Sports) пупышкавых мутацый руж, першапачаткова створаных у кустовай форме. Ад бацькоўскіх формаў, акрамя плецепадобных парасткаў, яны адрозніваюцца параўнальна познім цвіценнем і вялікім памерам кветкі[1].

Абрэвіятура — Cl.

Многія клаймінгі з'явіліся спантанна, іх «пляцістасць» была замацаваная ў культуры селекцыйнымі метадамі. Такія расліны ёсць амаль ва ўсіх садовых групах куставых руж. Яны менш зімастойкія, чым зыходныя сарты. Акрамя таго, многія клаймінгі паўторнаквітнеючых сартоў маюць цвіценне аднаразовае, асабліва ў сярэдняй паласе і на поўначы[2].

Пляцістыя формы куставых руж захоўваюць тыя ж сартавыя назвы, што і зыходныя сарты, але да іх дадаюць слова Climbing або Cl. Яны нічым не адрозніваюцца ад матчыных сартоў за выключэннем больш моцнага росту і больш позняга цвіцення. У Галоўным батанічным садзе спорты адзначаліся на такіх сартах, як 'Orange Triumph' і 'Eva Teschendorff'. Культура пляцістых спортаў большасці сартоў, асабліва Чайна-гібрыдных руж, не прыдатная для ўмоў сярэдняй паласы Расіі і больш паўночных раёнаў[3].

Клаймінгі чайна-гібрыдных (Climbing Hybrid Tea, CI. HT.) руж маюць жорсткія парасткі, вышыня ў сярэдняй паласе Расіі не больш за 3 м, кветкі буйныя, адзіночныя або ў невялікіх суквеццях па 3-5 штук. Клаймінгі мініяцюрных (Climbing Miniature, CI. Min.) руж могуць быць з парасткамі, якія сцелюцца і патрабуюць апоры, так і з больш жорсткімі дугападобнымі, якія можна размяшчаць як на апоры, так і без яе. У апошнім выпадку яны ўтвараюць куст, характэрны для грунтапокрыўных руж. Часцей за ўсё рэмантантныя сарты, але ёсць і аднаразова квітнеючыя.

Зноскі

  1. Сурина, К. Б. Современные садовые розы // Цветоводство : часопіс. — 2007. — № 3.
  2. Френкина Т. Классификация роз как руководство к действию // Цветоводство. — 2003 (№ 5, 6) и 2004 (№ 1, 2).
  3. Былов, В. Н. и др. Розы. Краткие итоги интродукции. — М.: Наука, 1972.