Кузьмінскі чыгуначны мост
Кузьмінскі чыгуначны мост — аднапуцявы чыгуначны развадны мост цераз Няву вертыкальна-пад’ёмнага тыпу. Па гэтым мосце праходзіць адзін пуць двухпуцявой чыгуначнай лініі ад Санкт-Пецярбурга (Ладажскі вакзал) на Горы.
| Кузьмінскі чыгуначны мост | |
|---|---|
 | |
| Каардынаты: 59°48′43″ пн. ш. 30°51′24″ у. д.HGЯO | |
| Перасякае | Нява |
| Вышыня канструкцыі | 15,2 м |
 Медыяфайлы на Вікісховішчы | |
Па мосце праходзіць мяжа Кіраўскага і Усевалажскага раёнаў Ленінградскай вобласці.
Мост цераз Няву меркавалася пабудаваць у рамках будаўніцтва чыгункі Петраград — Рыбінск. Гэтую чыгунку пачалі будаваць у 1916 годзе, тады ж быў закладзены і гэты мост. Пасля заканчэння Першай сусветнай і Грамадзянскай войнаў завяршэнне будаўніцтва моста было прызнана немэтазгодным. Будаўніцтва моста аднавілася падчас савецка-фінляндскай вайны і было завершана ў 1940 годзе. Мост атрымаў назву ад вёскі Кузьмінка, якая знаходзіцца паблізу, і з’яўляецца часткай чыгуначнай лініі Занеўскі Пост — Горы. З тых часоў Кузьмінскі мост стаў другім (пасля Фінляндскага) чыгуначным пераходам цераз Няву.
Восенню 1941 года пры адступленні Чырвонай Арміі мост быў падарваны і часткова перакрыў неўскі фарватар. Лінія фронту праходзіла па рацэ Нява ў гэтым месцы з верасня 1941 па студзень 1944 года. Пасля вайны мост быў адноўлены.