Култук (Слюдзянскі раён)
Ку́лтук — пасёлак гарадскога тыпу на поўдні Іркуцкай вобласці ў Слюдзянскім раёне, Расія. Размяшчэнне галоўнай управы Култуцкага мясцовага кіравання.
Пасёлак гарадскога тыпу
| ||||||||||||||||||||||||||||
Геаграфія
правіцьСамы заходні населены пункт на ўзбярэжжы Байкала. Размешчаны на паўднёва-заходнім ускрайку возера, на беразе заліва Култук, пры ўпадзенні рэчак Култучная і Мядлянка. Слова «култук» мае цюркскае паходжанне, якое пазначае «кут, тупік, заліў, губа», і, верагодна, як геаграфічны тэрмін, было прыўнесена рускімі землепраходцамі 17 стагоддзя пры засваенні Сібіры.
Гісторыя
правіцьКултук — першае рускае паселішча на поўдні Байкала, заснаванае ў месцы качавога тунгускага роду кумкагіраў восенню 1647 года землепраходцамі Іванам Пахабавым, пры яго прасоўванні ад вусця Селенгі ў Тункінскую даліну, як астрог, хоць дакладнае яго месцазнаходжанне невядома і звесткі пра існаванне Култуцкага астрога супярэчлівыя і бедныя. На карце 1701 года Сямёна Рэмезава паселішча пазначана як Култушнае зімоўе, праз якое праходзіў шлях уздоўж Байкала і ў Тунку[1]. У дакуменце 1744 года Култук згадваецца ўжо як вёска: «у вёсцы Култук пражывала тры жанчыны, тры мужчыны і дзевяць дзяцей».
Інфраструктура
правіцьСярэдняя агульнаадукацыйная школа, участковая бальніца (маецца фельчар і два педыятры), Дом культуры, два дзіцячыя садкі, два паштовых аддзялення, аддзяленне Ашчадбанка.
Насельніцтва
правіцьБольшасць рускія. Насельніцтва памяншаецца. У 2015 годзе жыло 3683 чалавекі.
Ураджэнцы
правіцьСамым вядомым ураджэнцам з’яўляецца Сяргей Звераў — мадэльер і спявак.
Зноскі
- ↑ http://2002.vernadsky.info/raboty/h1/w02159.htm Архівавана 11 лютага 2006.
Спасылкі
правіць- Култук (Слюдзянскі раён) (руск.) — артыкул з Вялікай савецкай энцыклапедыі
- Фатаграфіі пгт Култук(недаступная спасылка)