Кірунак ветру

(Пасля перасылкі з Кірунак ветра)

Кіру́нак ве́тру — адзін з паказчыкаў паветра. Метэаралагічны кірунак ветру паказваецца азімутам пункта, адкуль дзьме вецер; але аэранавігацыйны кірунак ветру — куды дзьме, такім чынам адрозненне складае 180°.

Флюгер
Ветрапаказчык

Для вымярэння кірунку ветру выкарыстоўваюць розныя прылады, якія нагадваюць ветрапаказальнікі і флюгеры. Гэтыя прылады працуюць паводле прынцыпу руху пры самых мінімальных павевах ветру. Флюгер паказвае пераважны кірунак ветру — ягоная хваставая частка накіравана ў бок, у які дзьме вецер.