Лага-Маджорэ

Лага-Маджорэ  (італ.: Lago Maggiore — вялікае возера) — возера на мяжы Швейцарыі і Італіі. Швейцарская частка возера размешчана ў кантоне Тычына, італьянская — у П’емонце і Ламбардыі. Возера Лага-Маджорэ з’яўляецца самай нізкай кропкай Швейцарыі.

Лага-Маджорэ
Морфаметрыя
Вышыня над узроўнем мора	193 м
Даўжыня	66 км
Шырыня	10 км
Плошча	212,5 км²
Аб’ём	37 км³
Найбольшая глыбіня	372 м
Сярэдняя глыбіня	177 м
Гідралогія
Тып мінералізацыі	прэснае
Басейн
Плошча вадазбору	6 386 км²
Упадаюць	Тычына (рака), Точэ (рака)
Выцякаюць	Тычына (рака)
Размяшчэнне
Краіна	Швейцарыя  Італія
Рэгіёны	П’емонт, Ламбардыя, Тычына
Лага-Маджорэ
Медыяфайлы на Вікісховішчы

Агульная інфармацыя

Лага-Маджорэ размешчана ў тэктанічнай катлавіне ў заходняй частцы Ламбардскіх Альпаў на вышыні 193 м над узроўнем мора. Паабапал возера стромкія і высокія маляўнічыя берагі. Азёрная катлавіна з’явілася на месцы старажытнага ледавіка. Даўжыня — 66 км, шырыня — да 10 км, плошча — 212,5 км², глыбіня — да 372 м. Панавальныя вятры: трамантана (з іт. «ранішні») з возера і інверна (з іт. «вячэрні») на возера. Частыя буры адбывюцца, калі дзьмуць заходнія (іт. «мергоца») і паўночныя (іт. «маджорэ») вятры.

Праз Лага-Маджорэ працякае суднаходная рака Тычына, левы прыток ракі По. Найбольшай вышыні ўзровень вады дасягае ў чэрвені-ліпені, у сярэднім складае 4 м. Возера не замярзае зімой. Кліматычная зона даволі мяккая, што забяспечвае возера курортнымі мясцінамі: Лакарна, Аскона, Канобіа, Стрэза і інш.

Практыкуецца суднаходства, рыбалоўства (фарэль, акунь), турызм, водны спорт. У возера ўпадае рака Верзаска.

Астравы

• Востраў Брысага
• Астраўкі Castelli di Cannero
• Барамейскія астравы

Населеныя пункты

Швейцарыя

• Тычына: Гера, Сан-Назаро, Віра, Тэнера, Лакарна, Аскона, Ронка, Брысага.

Італія

• П’емонт: Арона, Меіна, Леза, Стрэза, Бавена, Вербанія, Гіфа і інш.
• Ламбардыя: Анджэра, Ранка, Іспра, Луіна і інш.