Леанід Дзмітрыевіч Лорчанка

Леанід Дзмітрыевіч Лорчанка (24 ліпеня 1923 — 18 ліпеня 1943) — удзельнік патрыятычнага падполля і партызанскага руху на тэрыторыі Магілёўскай вобласці, Герой Савецкага Саюза (1965).

Леанід Дзмітрыевіч Лорчанка
Дата нараджэння	24 ліпеня 1923(1923-07-24)
Месца нараджэння	Магілёў
Дата смерці	18 ліпеня 1943(1943-07-18) (19 гадоў)
Месца смерці	Антонава Буда, Бялыніцкі раён, Магілёўская вобласць, БССР, СССР
Месца пахавання	Антонава Буда
Грамадзянства	СССР
Прыналежнасць	СССР
Род войскаў	партызаны
Гады службы	1941—1943
Бітвы/войны	Вялікая Айчынная вайна
Узнагароды і званні

Біяграфія

Л. Д. Лорчанка нарадзіўся ў Магілёве. Скончыў 9 класаў школы. З пачаткам Вялікай Айчыннай вайны ўступіў у народнае апалчэнне, удзельнічаў у абароне Магілёва. Потым у складзе падпольнай групы, дзейнічаўшай на аўтарамонтным заводзе ў Магілёве. З красавіка 1943 г. ў складзе дыверсійнай групы 600-га партызанскага атрада, дзейнічаўшага на тэрыторыі Магілёўскай вобласці. Падарваў 2 чыгуначныя масты і 1 варожы эшалон. 18 ліпеня 1943 г. каля вёскі Антонава Буда пры выхадзе з акружэння застаўся ў групе прыкрыцця, якая раніцай ўступіла ў бой з пераўзыходзячымі сіламі праціўніка каля ракі Рудня. Застаўшыся ў жывых адзін, калі скончыліся боепрыпасы, падарваў сябе і ворагаў гранатай.

Пахаваны каля вёскі Антонава Буда Бялыніцкага раёна.

Узнагароды

• Медаль «Залатая Зорка»
• Ордэн Леніна

Памяць

• Абеліск на магіле Л. Д. Лорчанкі каля вёскі Антонава Буда.
• Бюст герою у гарадскім пасёлку Бялынічы.
• У гонар Л. Д. Лорчанкі названы вуліцы ў Бялынічах і Магілёве.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш.. — Мн.: БелЭн, 1999. — Т. 9. — С. 345. — 560 с. — 10 000 экз. — ISBN 985-11-0155-9.

Спасылкі

• Леанід Дзмітрыевіч Лорчанка на сайце «Героі краіны»
• Лорчанка Леанід Дзмітрыевіч // Магілёўская абласная бібліятэка імя У. І. Леніна(недаступная спасылка)
• Герои Советского Союза // Сайт Бялыніцкага раённага выканаўчага камітэта (руск.)