Леанід Пракопавіч Падгайскі

Леанід Пракопавіч Падгайскі (25 лістапада 1934, Ленінград — 4 жніўня 1980) — беларускі мовазнаўца.

Леанід Пракопавіч Падгайскі
Дата нараджэння	25 лістапада 1934(1934-11-25)
Месца нараджэння	Ленінград, РСФСР, СССР
Дата смерці	4 жніўня 1980(1980-08-04) (45 гадоў)
Грамадзянства	БССР
Род дзейнасці	мовазнавец
Месца працы	БДПУ
Навуковая ступень	кандыдат філалагічных навук
Альма-матар	Мсціслаўскае педагагічнае вучылішча[d] МДУ імя А. А. Куляшова (1962)

Біяграфія

Нарадзіўся ў сям'і рабочых-беларусаў, якія праз год вярнуліся на радзіму ў Мсціслаў. У 1953 г. скончыў Мсціслаўскае педвучылішча. Настаўнічаў. У 1962 г. скончыў Магілёўскі педагагічны інстытут. Кандыдат філалагічных навук (1980). Працаваў у Мінскім педагагічным інстытуце імя Горкага старшым выкладчыкам, дацэнтам кафедры беларускай мовы, намеснікам дэкана, дэканам, прарэктарам па вучэбнай рабоце.

Даследваў сінтаксіс беларускай мовы і методыку яе выкладання ў пачатковых класах. У манаграфіі “Словазлучэнне ў беларускай мове: Дзеяслоўна-імянныя словазлучэнні з акалічнаснымі адносінамі” Л. П. Падгайскі разглядаў сістэму дзеяслоўна-іменных словазлучэнняў з прасторавымі, часовымі, прычыннымі і мэтавамі адносінамі, высвятляе ролю галоўнага і залежнага кампанентаў гэтых словазлучэнняў, а таксама прыназоўнікаў і суадноснасць іх з прыстаўкамі дзеясловаў прэфіксальнага ўтварэння.

Літаратура

• Падгайскі Л.П.// Беларуская мова: Энцыкл.—Мн., 1994.—С. 397.
• Падгайскі Л.П.// Энцыкл. літ. і мастацтва Беларусі. У 5 т. Т. 4.—Мн, 1987.—С. 134.