Лімфатычны філярыятоз
Лімфатычны філярыятоз, таксама вядомы як элефантыяз, выклікаецца паразітычнымі чарвямі тыпу Filarioidea. Многія выпадкі захворвання праходзяць бессімптомна. Аднак некаторыя выклікаюць моцнае распуханне рук, ног ці геніталіяў. Таксама могуць назірацца патаўшчэнне скуры і з’яўленне болю. Змяненні ў целе могуць выклікаць сацыяльныя і эканамічныя праблемы ў хворага.[1]
| Лімфатычны філярыятоз | |
|---|---|
 Выява жанчыны, хворай на элефантыяз. | |
| МКХ-10 | B74. |
| МКХ-9 | 125.0-125.9 |
| eMedicine | derm/888 |
| MeSH | D005368 |
Крыніцы і дыягностыка
правіцьЧэрві распаўсюджваюцца праз укусы інфікаваных маскітаў. Заражэнне звычайна адбываецца ў дзіцячым узросце. Існуе тры тыпы чарвей, якія выклікаюць хваробу: Wuchereria bancrofti, Brugia malayi і Brugia timori. Wuchereria bancrofti — самы распаўсюджаны від. Чэрві пашкоджваюць лімфатычную сістэму.[1] Дыягностыка праводзіцца па знешнім выглядзе, з дапамогай мікраскопа, у крыві, забранай увечары. Кроў павінна мець форму густога мазку і правярацца з дапамогай метаду афарбоўкі па Гімзе. Таксама можа прымяняцца праверка крыві на антыцелы супраць хваробы.[2]
Прафілактыка і лячэнне
правіцьПрафілактыка праводзіцца лячэннем цэлых груп, у якіх хвароба існуе на працягу года з мэтай поўнага знішчэння захворвання. Працэс займае прыблізна шэсць гадоў. Прымяняюцца наступныя медыкаменты: альбендазол з івермектынам ці альбендазол з дыэтылкарбамазінам. Лекі не забіваюць дарослых чарвей, а папярэджваюць далейшае распаўсюджванне хваробы, пакуль чэрві не памруць з-за натуральных прычын. Таксама рэкамендавана прыкладаць высілкі па папярэджанні ўкусаў маскітаў, у тым ліку зніжэнне колькасці маскітаў і выкарыстанне сетак для ложку.[1]
Эпідэміялогія
правіцьБольш за 120 мільёнаў чалавек інфікаваныя лімфатычным філярыятозам. Прыблізна 1,4 млрд. чалавек знаходзяцца ў групе рызыкі ў 73 краінах. Хвароба найбольш распаўсюджаная ў Афрыцы і Азіі. Захворванне штогод цягне эканамічныя страты ў некалькі мільярдаў долараў ЗША.[1]
Бібліяграфія
правіць- ↑ а б в г Lymphatic filariasis Fact sheet N°102. World Health Organization (1 сакавіка 2014). Праверана 20 March 2014.
- ↑ Parasites - Lymphatic Filariasis Diagnosis. CDC (14 чэрвеня 2013). Праверана 21 March 2014.