Магамі (рака)

Магамі — рака ў Японіі, на в. Хонсю. Даўжыня 216 км, плошча басейна 7,4 тыс. км². Бярэ пачатак некалькімі вытокамі ў гарах Іідэ і ў адгор’ях паўднёвага ўскрайку хрыбта Оу, працякае па дне міжгорнай катлавіны Ямагата, у ніжнім цячэнні перасякае адгор’і гор Асахі і Дэва, прыморскую нізіну. Упадае ў Японскае мора ля г. Саката. Шматводная зімой і вясной, нізкі сцёк летам. Сярэдні расход вады каля 250 м³/с. Выкарыстоўваецца для арашэння (пасевы рысу).

Магамі
Характарыстыка
Даўжыня	216 км
Басейн	7,4 тыс. км²
Расход вады	250 м³/с
Вадацёк
Вусце	Японскае мора
• Каардынаты	38°55′20″ пн. ш. 139°48′33″ у. д.
Размяшчэнне
Водная сістэма	Японскае мора
Краіна	Японія
вусце
Медыяфайлы на Вікісховішчы