Майстры старажытнай мудрасці
Майстры старажытнай мудрасцi — гэта, у адпаведнасцi з тэасофскім вучэннем, прасветленыя iндывiды, якiя дасягнулi звышчалавечай стадыi развiцця, але выбралi заставацца ва ўвасабленнi, каб дапамагчы iншым шукальнiкам iсцiны.[1] Часам тэасофы называюць iх таксама Адэптамi, Махатмамi або проста Майстрамi. Першымi, хто выкарыстоўваў гэты тэрмiн, былi тэасофы А. Блавацкая, Г. Олькат, А. Сiнэт. Яны сцвярджалi, што на працягу свайго жыцця сустракалi некаторых з Майстроў.[1][2]
А. Блавацкая папулярызавала на Захадзе канцэпцыю Майстроў. Напачатку ўсе паведамленнi пра iх сыходзiлi асабiста ад Блавацкай. Але праз некалькi год брытанскiя тэасофы Сiнэт i Х’юм прынялi ўдзел у перапісцы з двума з Адэптаў – Кутхумi i Морыям. Гэтая перапiска адбывалася з 1880 па 1885 год, i такiм чынам заяўленае iснаванне Махатмаў стала публiчным. Арыгiналы лiстоў цяпер захоўваюцца ў Брытанскай Бiблiятэцы ў Лондане i апублiкаваныя асобнай кнiгай як «Лiсты Махатмаў».[1][3]
Паняцце пра Майстроў старажытнай мудрасцi з’яўляецца складнікам больш шырокай канцэпцыi пад назваю «Вялiкае Белае Братэрства». Вялiкае Белае Братэрства ўлучае ў сябе не толькі ўвасобленых прасветленых iндiвiдаў (Майстроў), але i тых, хто дасягнуў узнясення, то бок вызвалення ад неабходнасцi пераўвасабляцца, i цяпер перабывае на вышэйшых планах быцця (Узнесеныя Валадары).[4][5]
Зноскі
- ↑ а б в Melton, J. Gordon. "Masters [Майстры]". Encyclopedia of Occultism and Parapsychology [Энцыклапедыя акультызму i парапсiхалогii] [англійская]. Gale Group, Inc. p. 986. ISBN 0-8103-8570-8.
- ↑ Greer, John Michael (2003). "Masters [Майстры]". The new encyclopedia of the occult [Новая энцыклапедыя акультнага] [англійская]. Llewellyn Worldwide. p. 378. ISBN 1567183360.
- ↑ Melton, J. Gordon. "Mahatma Letters [Лiсты Махатмаў]". Encyclopedia of Occultism and Parapsychology [Энцыклапедыя акультызму i парапсiхалогii] [англійская]. Gale Group, Inc. p. 968. ISBN 0-8103-8570-8.
- ↑ Белое Братство — Энциклопедия Агни Йоги (руск.). agniyoga.roerich.info. Архівавана з першакрыніцы 12 лістапада 2021.
- ↑ Ervast, Pekka (1905). Salatieteilijan_sanakirja [Слоўнiк тэасофа] (PDF) [фінская]. Teosofinen Kirjakauppa ja Kustannusliike. p. 55. Архівавана з арыгінала (PDF) 2022-02-23.