Масіма Луонга

Масіма Луонга (англ.: Massimo Luongo; нар. 25 верасня 1992, Сідней, Аўстралія) — аўстралійскі футбаліст, паўабаронца англійскага клуба «Іпсвіч Таўн». Ігрок нацыянальнай зборнай Аўстраліі (2014—2019).

Масіма Луонга
Агульная інфармацыя
Поўнае імя	Масіма Коры Луонга
Нарадзіўся	25 верасня 1992(1992-09-25)[…] (32 гады) Сідней, Новы Паўднёвы Уэльс, Аўстралія
Грамадзянства	Аўстралія
Рост	176 см
Вага	72 кг
Пазіцыя	паўабаронца
Інфармацыя пра клуб
Клуб	Іпсвіч Таўн
Нумар	25
Маладзёжныя клубы
2004—2010 Лейхарт Тайгерс 2011 Тотэнхэм Хотспур
Клубная кар’ера
2011—2013 Тотэнхэм Хотспур 0 (0) 2012 →  Іпсвіч Таўн 9 (0) 2013 →  Суіндан Таўн 12 (3) 2013—2015 Суіндан Таўн 76 (10) 2015—2019 Куінз Парк Рэйнджэрс 145 (10) 2019—2022 Шэфілд Уэнсдэй 64 (4) 2022—2023 Мідлсбра 0 (0) 2023— Іпсвіч Таўн
Нацыянальная зборная
2011 Аўстралія (да 20) 2 (0) 2014—2019 Аўстралія 42 (6)
Узнагароды і медалі
Кубкі Азіі Золата Аўстралія 2015
Медыяфайлы на Вікісховішчы

Клубная кар’ера

Нарадзіўся ў Сіднеі. У футбол пачаў гуляць у прыватнай каталічнай школе. У 2011 годзе падпісаў дагавор з англійскім клубам «Тотэнхэм Хотспур», дзе выступаў за акадэмію клубу. З 2012 па 2013 гады знаходзіўся ў арэндах у клубах «Іпсвіч Таўн», а потым «Суіндан Таўн». Апошні з клубаў выкупіў правы на іграка 31 жніўня 2013 года. Клуб заплаціў кампенсацыю «Тотэнхэму» ў памеры 400 тысяч фунтаў стэрлінгаў.

28 мая 2015 года Луонга разам з аднаклубнікам Бенам Глэдвінам перайшоў у «Куінз Парк Рэйнджэрс». Абодва іграка падпісалі трохгадовыя кантракты.

У жніўні 2019 года стаў іграком «Шэфілд Уэнсдэй». Застаўся ў камандзе пасля таго, як у 2021 годзе ён выбыў у Лігу 1, аднак па заканчэнні сезона 2021/22 пакінуў клуб. У верасні 2022 года далучыўся да «Мідлсбра», а ў студзені 2023 года перабраўся ў «Іпсвіч Таўн».

Міжнародная кар’ера

Праз сваё паходжанне Масіма мог выступаць за зборныя Італіі, праз бацьку, і Інданезіі, праз маці. У 2011 годзе выступаў за моладзевую зборную Аўстраліі, а ў сакавіку 2014 года дэбютаваў за зборную ў таварыскім матчы супраць зборнай Эквадора, які скончыўся для аўстралійцаў паражэннем з лікам 3:4.

Дасягненні

Аўстралія:

• Пераможца Кубка Азіі: 2015