Матроскі мост

Матроскі мост — мост у Маскве праз раку Яўзу. Пабудаваны ў 1956 годзу па праекце інжынера Б.Г. Навумава і архітэктара Г. Г. Шахавай на месцы моста 1910 года пабудовы. Мост злучае вуліцу Страмынка з Праабражэнскай вуліцай. Пад мостам праходзяць:

• Па левым беразе — да моста набярэжная Ганнушкіна; пасля моста Праабражэнская набярэжная;
• Па правым беразе — да і пасля моста: Русакоўская набярэжная.

Матроскі
Каардынаты: 55°47′42″ пн. ш. 37°42′14″ у. д.
Вобласць ужывання	аўтамабільны, трамвайны
Перасякае	Яўза
Месца размяшчэння	УАА
Канструкцыя
Тып канструкцыі	бэлькавы, трохпралётны
Эксплуатацыя
Адкрыццё	1956
Медыяфайлы на Вікісховішчы

Паходжанне назвы

Назву мост атрымаў ад Матроскай слабады, якая знаходзілася побач у пятроўскія часы.

Гісторыя

Першы драўляны мост быў пабудаваны на гэтым месцы ў 1793 годзе на сродкі маскоўскага купца Мазаева. У 1910 годзе гэты мост быў заменены аднапралётным каменным, які меў даўжыню 12 метраў. Сучасны мост — трохпралётны, мае даўжыню з падыходамі 206 метраў, шырыню 34 метры. Сярэдні пралёт ідзе над рэчышчам ракі, два крайнія — праезды па набярэжных і ходнікі. Пралётныя пабудовы — жалезабетонныя, бэлькавыя. Канструкцыя неразразная.

Цікавы факт

Па плане абваднення Масквы (у складзе Генплана 1935 года) на месцы цяперашняга Матроскага моста планавалася збудаванне гідравузла са шлюзам на Яўзе.

Суседнія масты праз Яўзу

• вышэй па плыні ракі — Праабражэнскі метрамост
• ніжэй па плыні рэкі — 2 пешаходных моста на Праабражэнскай набярэжнай
• яшчэ ніжэй па плыні рэкі — Электразаводскі мост на Вялікай Сямёнаўскай вуліцы.

Гл. таксама

• Масты праз Яўзу
• План абваднення горада Масквы

Літаратура

• Москва. Энциклопедия. Гл. ред. А. Л. Нарочницкий. — М.: «Советская Энциклопедия», 1980. — 688 с. с илл.

Спасылкі

• Матросский мост Архівавана 21 кастрычніка 2008.