Медаль «80 год беларускай міліцыі»
юбілейны медаль
Меда́ль «80 год белару́скай мілі́цыі» — ведамасная ўзнагарода Міністэрства ўнутраных спраў Рэспублікі Беларусь.
| Медаль «80 год беларускай міліцыі» | |||
|---|---|---|---|
|
|||
| Краіна | Беларусь | ||
| Тып | Медаль | ||
| Каму ўручаецца | не ўручаецца | ||
| Дата заснавання | 31 студзеня 1997 | ||
| Статус | ведамасная ўзнагарода | ||
Медаль заснаваны Загадам Міністра ўнутраных спраў № 17 ад 31 студзеня 1997 года да 80-й гадавіны савецкай міліцыі (была заснавана дэкрэтам Народнага камісарыята ўнутраных спраў РСФСР «Аб рабочай міліцыі» ад 10 лістапада 1917 года).
Прадстаўленне да ўзнагароды
правіцьПрава на ўзнагароджанне мелі:
- Асобы начальніцкага і радавога складу міліцыі, якія дасягнулі значных вынікаў у службовай дзейнасці;
- Асобы начальніцкага і радавога складу іншых службаў і падраздзяленняў МУС, вайскоўцы ўнутраных войскаў (за выключэннем ваеннаслужачых тэрміновай службы), якія актыўна спрыяюць органам міліцыі ў іх дзейнасці;
- Асобы начальніцкага складу, звольненыя з органаў унутраных спраў у запас або адстаўку з выслугай 20 і больш гадоў;
- Грамадзяне Рэспублікі Беларусь, якія аказваюць актыўнае садзейнічанне міліцыі ў выкананні ўскладзеных на яе задач;
- Замежныя грамадзяне, якія актыўна спрыяюць развіццю і ўмацаванню сувязей паміж праваахоўнымі органамі.