Алея дэ ла Шапель на могілкі Пер-Лашэз

У пачатку XIX стагоддзя на месцы старых могілак былі заснаваныя новыя — адны ў цэнтры Парыжа (могілкі Пасі) і тры за яго ранейшымі межамі (могілкі Манмартр на поўначы, могілкі Манпарнас на поўдні і Пер-Лашэз на ўсходзе). На могілках пахаваныя многія знакамітасці, дзякуючы чаму яны з’яўляюцца ўпадабанай мэтай турыстаў і жыхароў горада, якія шануюць цішыню могілкавых прысад.

Могілкі Пер-Лашэз — самыя вялікія ў Парыжы. Яны з’яўляюцца адным з самых вядомых пахаванняў у свеце, на ім пахаваныя Эдзіт Піяф, Сара Бернар, Мальер, Лафантэн, Бальзак, Фрэдэрык Шапен, Нестар Махно, Амедэо Мадыльяні, Марсель Пруст, Оскар Уайльд і многія іншыя. Самай наведвальнай з’яўляецца магіла Джыма Морысана (стаіць на пятым месцы па наведвальнасці сярод парыжскіх славутасцяў), каля якой увесь час таўкуцца фанаты The Doors. У 2001 годзе пад ціскам грамадскасці магілу пакінулі на месцы, хоць і скончыўся кантракт на знаходжанні парэшткаў на могілках.