Музей гісторыі пладаводства Беларусі

Музей гісторыі пладаводства Беларусі — беларуская дзяржаўная музейная ўстанова ў структуры Інстытута пладаводства Нацыянальнай акадэміі навук Беларусі, якая знаходзіцца ў Самахвалавічах ля Мінска.

Музей гісторыі пладаводства Беларусі
Профіль	ведамственны
Заснаваны	1995
Месцазнаходжанне	Беларусь, 223013, Мінская вобл., Мінскі р-н, а/г Самахвалавічы, вул. Кавалёва, 2.

Апісанне

Музей заснаваны 10 кастрычніка 1995 года ў дзень 70-годдзя Інстытута пладаводства НАН Беларусі. Размяшчаецца ў галоўным корпусе гэтай установы. У аснову экспазіцыі пакладзены прадметна-храналагічны прынцып, яна складаецца з пяці буйных раздзелаў і адлюстроўвае развіццё пладаводства на тэрыторыі Беларусі з XI стагоддзя да сучаснасці. У экспазіцыі шырока прадстаўлены архіўныя матэрыялы XVI, XVIII-XX стагоддзяў з фондаў Нацыянальнага гістарычнага архіва і архіваў навуковых устаноў Беларусі, Санкт-Пецярбургскага архіва навукова-тэхнічнай дакументацыі, Польскага музея гісторыі сельскай гаспадаркі і сельскагаспадарчай прамысловасці ў Познані, а таксама з бібліятэк краіны, прыватных збораў і калекцый.