Мюнхенская акадэмія выяўленчага мастацтва

Мюнхенская акадэмія выяўленчага мастацтва (ням.: Akademie der Bildenden Künste München) — нямецкая дзяржаўная вышэйшая навучальная ўстанова з сядзібай у горадзе Мюнхен.

Мюнхенская акадэмія выяўленчага мастацтва
ням.: Akademie der Bildenden Künste München
Арыгінальная назва	ням.: Akademie der Bildenden Künste München
Міжнародная назва	англ.: Academy of Fine Arts, Munich
Заснаваны	1808
Студэнты	777
Краіна	Германія
Размяшчэнне	Мюнхен
Сайт	adbk.de
Медыяфайлы на Вікісховішчы

Гісторыя

Акадэмія з’яўляецца адной з самых аўтарытэтных і адной з найстарэйшых мастацкіх вучэльняў Германіі. Гісторыя акадэміі ўзыходзіць да XVIII стагоддзя, да заснавання ў 1770 годзе курфюрстам Максіміліянам ІІІ так званай Школы малявання. Акадэмія выяўленчага мастацтва была ператворана ў 1808 годзе каралём Баварыі Максіміліянам I у Каралеўскую акадэмію прыгожых мастацтваў.

Умоўнай назвай «Мюнхенская школа» называюць таксама групу мастакоў, якія працавалі ў Мюнхене або навучаліся ў акадэміі з 1850 па 1918 год. Карціны іх характарызуюцца натуралістычнасцю і цёмнай святлаценю. Тыповыя сюжэты жывапісу ўключаюць пейзажы, партрэты, нацюрморты і жывапіс на гістарычную тэматыку.

У 1946 годзе Каралеўская акадэмія прыгожых мастацтваў была аб’яднаная са Школай мастацтваў і рамёстваў і Школай прыкладнога мастацтва. У 1953 годзе назва навучальнай установы была зменена на цяперашнюю.

Спасылкі

• На Вікісховішчы ёсць медыяфайлы па тэме Мюнхенская акадэмія выяўленчага мастацтва
• Афіцыйная інтэрнэт-старонка ўстановы