Міжнародны дзень ляўшы

Міжнародны дзень ляўшы (англ.: International Lefthander Day) - неафіцыйнае свята, прысвечанае людзям, якія пераважна карыстаюцца левай рукой.Адзначаецца штогод 13 жніўня.

Дзень ляўшэй, 13 жніўня 2002 года

Упершыню гэты дзень быў адзначаны 13 жніўня 1976 года па ініцыятыве Lefthanders International. Згодна з асобнымі іншымі звесткамі упершыню дзень ляўшы быў адзначаны 13 жніўня 1992 года па ініцыятыве створанага за два гады да гэтага брытанскага Клуба ляўшэй[1].

Святкаванне дня ляўшэй мае наступныя мэты:

  • распаўсюдзіць веды пра тыя нязручнасці, з якімі сутыкаюцца ляўшы ў свеце, населеным пераважна праўшамі;
  • навучаць дызайнераў і вытворцаў як забяспечыць камфорт і бяспеку ляўшэй пры стварэнні прдукцыі і праектаванні будынкаў;
  • адзначаць тыя моцныя бакі і перавагі, якімі валодаюць ляўшы, і абвяргаць тыя міфы і забабоны, якія склаліся вакол леварукасці ў шматлікіх культурах на працягу стагоддзяў і з'яўляюцца крыніцай перадузятага стаўлення і сёння;
  • забяспечыць максімальна вялікі асартымент інструментаў і абсталявання распрацаваных адмыслова для леварукіх людзей каб зрабіць іх побыт прасцейшым;
  • даследаваць разнастайныя аспекты леварукасці.

Зноскі

Спасылкі правіць