Місіянерская царква капімізму
Місіянерская царква капімізму (ад англ.: copy me — «капіруй мяне»[1]) — супольнасць, якая выступае за вольны файлаабмен, у якой абмен ведамі лічыцца святым. Заснавана ў Швецыі і ў адпаведнасці са шведскім заканадаўствам афіцыйна прызнана[2] рэлігіяй[3][4][5]. Царква капімізму была заснавана ў 2010 годзе 19-гадовым студэнтам філасофіі Упсальскага ўніверсітэта Ісакам Герсанам (Isaac Gerson), які з’яўляецца кіраўніком і духоўным лідарам Царквы капімізму[6]. Нягледзячы на тое, што капімізм з’яўляецца рэлігіяй, Царква капімізму не верыць у багоў і звышнатуральныя сілы[7].
Дагматы царквыПравіць
Капімізм заснаваны на цвёрдым перакананні ў неад’емнай каштоўнасці інфармацыі. Капімісты прызнаюць гэтую каштоўнасць за любой інфармацыяй, незалежна ад яе ўтрымання. На падставе гэтага капімісты прызнаюць наступныя догмы:
- Капіраванне інфармацыі з’яўляецца маральным.
- Распаўсюджванне інфармацыі з’яўляецца маральным.
- Капіміксаванне — больш святы від капіравання, чым простае лічбавае капіраванне, так як яно павялічвае і паляпшае існае багацце інфармацыі.
- Капіраванне або капіміксаванне інфармацыі, атрыманай ад іншага чалавека, з’яўляецца актам павагі і глыбокай праявай удзячнасці капіміста.
- Інтэрнэт з’яўляецца святым.
- Праграмныя коды з’яўляюцца законнымі[8].
Як стаць капімістамПравіць
- Трэба мець пачуццё павагі да святая святых — інфармацыі.
- Прызнання сябе капімістам дастаткова, каб лічыцца часткай супольнасці капімістаў.
- Кожнага, хто падзяляе філасофію капімізму, незалежна ад таго, ці зарэгістраваны ён фармальна Царквой Капімізму або не, Царква Капімізму прызнае капімістам.
- Капіміст павінен спампаваць (або атрымаць любым іншым спосабам) і раздрукаваць копію афіцыйнага сімвала капімізму — Святой Капіраміды[8].
СімвалыПравіць
- Святая Капіраміда — піраміда з літарай «К» унутры. Кожны капіміст можа прыдумаць і вырабіць сімвал капімізму самастойна, і гэты сімвал таксама будзе лічыцца сімвалам капімізму, але ў рэлігійных абрадах — прыняцце капімізму, абрады капіравання, прысвячэнне ў оперы (святары Царквы Капімізму) неабходна выкарыстоўваць толькі афіцыйны сімвал капімізму.
- Камбінацыя клавіш Ctrl+C (капіраваць) і Ctrl+V (уставіць), а таксама любыя іншыя спосабы капіравання і распаўсюду інфармацыі.
- Лозунгі «Капіруйце і распаўсюджвайце!», «Нас шмат» і «Множанне стварае велізарныя колькасці».
- Кожная кропка доступу ў інтэрнэт. Кропкі доступу павінны заставацца свабоднымі ад анты-капімістсага назірання і дзеянняў. Кропкі доступу могуць знаходзіцца як унутры, так і звонку грамадскіх будынкаў, жылых памяшканняў, на грамадскай або прыватнай тэрыторыі[8].
Абрад капіраванняПравіць
Капіраванне з’яўляецца рэлігійным абрадам. На кропцы доступу ў інтэрнэт усталёўваецца Святая Капіраміда, і капіміст прамаўляе: «Я абвяшчаю гэта месца кропкай абмену інфармацыяй. Капіруй і распаўсюджвай!». Пасля гэтага можна пачынаць капіраванне і распаўсюджванне[8].
У красавіку 2012 года ў Бялградзе адбыўся першы шлюб па капімістскаму абраду.
Юрыдычная падаплёкаПравіць
У большасці краін свабоднае распаўсюджванне інфармацыі абмяжоўваецца законамі аб аўтарскіх правах. Цяпер у выпадку канфлікту чалавека, які прыняў капімізм як рэлігію, і арганізацый, якія займаюцца абаронай аўтарскіх правоў (напрыклад, RIAA), магчымая спасылка на веравызнанне і высунутае ў адказ абвінавачванне ў рэлігійнай неталерантнасці.
Зноскі
- ↑ Solidarity with Ladonia! Stop the dirty war!. Blogger (25 ліпеня 2006). Архівавана з першакрыніцы 7 верасня 2012. Праверана 25 April 2011.
- ↑ The Church of Kopimism is recognized by the state of Sweden. Church of Koppism. Архівавана з першакрыніцы 7 верасня 2012. Праверана 04 Jan 2012.
- ↑ The Information Will Get Out: A New Religion for File-Sharers - Nicholas Jackson - Technology - The Atlantic (10 красавіка 2011). Архівавана з першакрыніцы 7 верасня 2012. Праверана 25 April 2011.
- ↑ File-Sharers Await Official Recognition of New Religion (10/04/2011). Праверана 25 April 2011.(недаступная спасылка)
- ↑ NETWORTHY: Copy, paste, amen, Montreal Mirror (April 14, 2011). Праверана 25 April 2011. Архівавана 17 красавіка 2011.
- ↑ Сайт Ісакаў Герсона
- ↑ Місіянерская Царква Капімізму
- ↑ а б в г Миссионерская Церковь Копимизма
СпасылкіПравіць
- Афіцыйны сайт. (шведск.)
- Афіцыйнае аддзяленне Капімізму ў Канадзе. Архівавана 27 красавіка 2019. (англ.)