Міхаіл Рагоза

Міхаіл Рагоза (каля 1540 — паміж 18.6 і 15.8.1599) — праваслаўны, потым уніяцкі царкоўны дзеяч Рэчы Паспалітай.

Міхаіл Рагоза
Michał Rahoza. Міхал Рагоза (XVII).jpg
Герб
Мітрапаліт Кіеўскі, Галіцкі і ўсяе Русі[d]
1 жніўня 1589 — 1596
Папярэднік Анісіфар Дзевачка
Пераемнік Job Boretsky[d]
мітрапаліт Кіеўскі, Галіцкі і ўсяе Русі
1596 — 1599
Дыяцэзія Руская ўніяцкая царква
Пераемнік Іпацій Пацей
Нараджэнне 1540
Смерць 1599
Commons-logo.svg Выявы на Вікісховішчы

Паходзіць са шляхецкага роду герба «Рагоза» Менскага ваяводства.

У 1576 пісар валынскага ваяводы князя Богуша Карэцкага. Пасля прыняцця манаства архімандрыт манастыроў: Мінскага Ушэсця (з 1579), Слуцкага Траецкага (з 1582), Морацкага.

3 1589 мітрапаліт кіеўскі і ўсяе Русі. Праводзіў рэформы праваслаўнай царквы з мэтай павысіць аўтарытэт і адукацыю духавенства і паменшыць умяшанне свецкіх уладаў у царкоўныя справы. 3 1590 увёў практыку штогадовых сабораў з удзелам прадстаўнікоў духавенства, шляхты, брацтваў. Пры ім было забаронена свецкім асобам кіраваць манастырамі, усталявана новая працэдура прызначэння епіскапаў і мітрапаліта: кароль зацвярджаў адну з 4 кандыдатур, вылучаных на такім штогадовым саборы. Сабор 1594 падпарадкаваў брацтвы царкоўным іерархам, што ўзмацніла супярэчнасці паміж імі (напрыклад, у 1595 мітрапаліт забараніў выступаць з казаннямі прапаведніку віленскага брацтва Стафану Зізанію). 3 1594 М. Рагоза далучыўся да падрыхтоўкі злучэння праваслаўнай царквы з рымска-каталіцкай. Пад яго старшынствам царкоўны сабор у Брэсце абвясціў Берасцейскую унію 1596 і зацвердзіў яе ўмовы. Міхаіл Рагоза захаваў у новаўтворанай уніяцкай царкве тытул мітрапаліта. Праваслаўны сабор 1596, які адбыўся ў Брэсце адначасова з уніяцкім, абвясціў аб пазбаўленні яго сана, аднак гэта і іншыя падобныя захады праваслаўнага духавенства не мелі вынікаў. Міхаіл Рагоза карыстаўся ў пашырэнні уніі падтрымкай каралеўскай улады.