Міхась Каберац

Міхась Каберац
Міхась Каберац
Род дзейнасці	грамадскі дзеяч, палітычны актывіст
Дата нараджэння	1902
Месца нараджэння	Сухоўчыцы, Слуцкі павет, Мінская губерня, Расійская імперыя;
Дата смерці	14 студзеня 1931
Месца смерці	Прага, Чэхаславакія;
Месца пахавання	Ольшанскія могілкі;
Альма-матар	Слуцкая беларуская гімназія;
Член у	Папараць-Кветка; Беларуская вайсковая арганізацыя; Аб’яднанне беларускіх студэнцкіх арганізацый; Беларускае (Крывіцкае) культурнае таварыства імя Ф. Скарыны;
	Медыяфайлы на Вікісховішчы

Міхась Каберац (1902, в. Сухоўчыцы, Слуцкі павет — 14 студзеня 1931) — беларускі грамадскі дзеяч.

Біяграфія

Нарадзіўся М. Каберац у 1902 годзе ў вёсцы Сухоўчыцы Слуцкага павета. Свае дзіцячыя гады пражыў у вёсцы Кажушкі Слуцкага павета. Пачатковую асвету атрымаў у Раманаве, дзе скончыў чатыры класы сярэдняй школы. У 1918 годзе, з адкрыццём Слуцкай беларускай гімназіі, паступае ў лік яе вучняў. Ужо тут Міхась Каберац праяўляе цікавасць да беларушчыны, актыўна працуючы ў вядомай краязнаўчай арганізацыі «Папараць-Кветка»^[1]. Адным з першых запісаўся ў Беларускую вайсковую арганізацыю. Пасля здушэння Слуцкага паўстання часова працаваў у 1921 г. у Вільні, як беларускі настаўнік пачатковай школы ў Ліпоўцы. Не маючы польскага грамадзянства, у 1922 годзе выехаў у Чэхаславакію для заканчэння навучання. Вучыўся на матуральных^[cs] курсах ў Юзэфове^[cs]. У 1928 годзе скончыў сельскагаспадарчы і лесатэхнічны факультэт ПП. Займаўся грамадскай дзейнасцю, сябра Беларускай рады ў Празе, Беларускага культурнага таварыства імя Скарыны, АБСА і інш^[1].

Міхась Каберац быў знаёмы і падтрымліваў сяброўскія сувязі з такімі вядомымі постацямі як Уладзімір Жылка, Людміла Краскоўская, Лявон Рыдлеўскі.

Памёр 14 студзеня 1931 года ад хваробы^[1].

Ацэнка сучаснікаў

З ліста Уладзіміра Жылкі да Людмілы Краскоўскай ад 12 чэрвеня 1928 года^[2] :

Каберца згадваю кожны дзень — як я яго люблю і як шкада яго. Жыццё не справядліва да сваіх лепшых, а такіх як Міхась мала, вельмі мала. Напішы яму і прывітай ад мяне. Ведаеш, каб расказаць, колькі ў мяне любові і нежнасці да ўсіх вас... Долі тоькі не маем.

З ліста Людмілы Краскоўскай да Уладзіміра Калесніка ад 7 красавіка 1991 года^[3] :

Я добра пазнала Міхася Каберца. Ён вычыўся на лясным факультэце тэхнікі ў Празе. Але ён захварэў туберкулёзам (скаратэчным). [...] Міхась быў чэсны і разумны хлопец, і яго смерць нас усіх вельмі засмуціла. Калі ён быў у санаторыіі, У. Жылка яму перадаў першы том твораў М. Багдановіча, які тады выйшаў.

Зноскі

↑ ^а ^б ^в Міхась Каберац. Пасмертны ўспамін
↑ М. В. Трус . Браціслаўскі эпісталярый: славацка–беларускі архіўны дыскурс XX стагоддзя. — Мн .: Беларуская навука, 2019. — С. 154. — 207 с. — 120 экз. — ISBN 978-985-08-2434-9.
↑ М. В. Трус . Браціслаўскі эпісталярый. — С. 136.

Спасылкі

Daniela Kolenovská. Běloruská emigrace v Československu (1918–1938 (нявызн.). — C. 98.

[elibrary-1] а ^б ^в Міхась Каберац. Пасмертны ўспамін

[2] М. В. Трус . Браціслаўскі эпісталярый: славацка–беларускі архіўны дыскурс XX стагоддзя. — Мн .: Беларуская навука, 2019. — С. 154. — 207 с. — 120 экз. — ISBN 978-985-08-2434-9.

[3] М. В. Трус . Браціслаўскі эпісталярый. — С. 136.

[1]

[2]

[3]