Навагрудская ратуша
Навагрудская ратуша існавала ў XVII-XIX стагоддзях у Навагрудку. Упершыню ўзгадваецца ў соймавай канстытуцыі 1652 года.
| Ратуша | |
| Навагрудская ратуша | |
|---|---|
.jpg) | |
| 53°35′52,8″ пн. ш. 25°49′32,40″ у. д.HGЯO | |
| Краіна |
 Беларусь |
| Горад | Навагрудак |
| Стан | Не існуе |
 |
|
 Медыяфайлы на Вікісховішчы | |
.jpg)
Мяркуюць, што ў 1654 годзе пад ратушу прыстасаваны будынак камяніцы на рынку. Падчас пажару 1751 ён пашкоджаны, пазней адноўлены: на рагу будынка пабудавана 2-ярусная вежа, завершаная купалам і флюгерам з выявай Архангела Міхаіла. У 1818 годзе Навагрудская ратуша значна рэканструявана: зменены агульная планіроўка, аконныя і дзвярныя праёмы, на ўзроўні 2-га паверха галоўнага фасада, арыентаванага на плошчу, зроблена галерэя (апіралася на 4 калоны). Ратуша набыла рысы класіцызму: рустоўка на вуглах будынка і на гранях вежы 1-га паверха, нішы на 2-м паверсе. У такім выглядзе яна існавала да пажару 1862 года, калі была моцна пашкоджана і больш не аднаўлялася.
Каля 1900 года на месцы Навагрудскай ратушы ўзведзены будынак магістрата (верагодна, былі выкарыстаныя фундаменты і часткі муру ратушы).
У Вялікую Айчынную вайну будынак цалкам разбураны.
Літаратура правіць
- Яўген Анішчанка. Наваградская ратуша // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 360. — 792 с. — ISBN 985-11-0378-0 (т. 2), ISBN 985-11-0315-2.