Наталля Віктараўна Паўлючэнка

Наталля Віктараўна Паўлючэнка (нар. 1977, Жодзіна, Мінская вобласць, БССР) — міністр працы і сацыяльнай абароны Рэспублікі Беларусь (з 2024 года).

Наталля Віктараўна Паўлючэнка
міністр працы і сацыяльнай абароны Рэспублікі Беларусь[d] з 13 чэрвеня 2024
Папярэднік	Ірына Анатольеўна Касцевіч
Нараджэнне	1977 Жодзіна, Мінская вобласць, БССР, СССР
Адукацыя	Беларускі камерцыйны інстытут кіравання (1998)

Біяграфія

У 1998 годзе скончыла Беларускі камерцыйны ўніверсітэт кіравання па спецыяльнасці «Фінансы і крэдыт». Працоўны шлях пачынала з пасады дзяржаўнага падатковага інспектара ў Жодзіне.

З 2002 па 2004 год працавала эканамістам першай катэгорыі інспекцыі па бюджэце фінансавага аддзела Мінскага райвыканкама Мінскай вобласці.

З 2004 па 2006 год працавала эканамістам першай катэгорыі інспекцыі даходаў бюджэту, эканамістам першай катэгорыі, вядучым эканамістам аддзела даходаў бюджэту фінансавага аддзела адміністрацыі Цэнтральнага раёна горада Мінска.

З 2006 па 2013 год працавала вядучым эканамістам, галоўным эканамістам аддзела фінансавання невытворчай сферы і сацыяльнай абароны насельніцтва фінансавага ўпраўлення Мінскага аблвыканкама.

З 2013 па 2014 год працавала начальнікам упраўлення фінансавання невытворчай сферы галоўнага фінансавага ўпраўлення Мінскага аблвыканкама.

З 2014 па 2017 год працавала намеснікам начальніка галоўнага ўпраўлення, начальнікам упраўлення бюджэтнага планавання галоўнага фінансавага ўпраўлення Мінскага аблвыканкама.

З 2017 па 2021 год займала пасаду кіраўніка фондам сацыяльнай абароны насельніцтва Міністэрства працы і сацыяльнай абароны Рэспублікі Беларусь.

З 2021-га па чэрвень 2024 года — першы намеснік міністра працы і сацыяльнай абароны.

13 чэрвеня 2024 года прызначана міністрам працы і сацыяльнай абароны Рэспублікі Беларусь.

Спасылкі

• Наталия Павлюченко — новый министр труда и соцзащиты Беларуси