Нацыянальная галерэя сучаснага мастацтва (Нью-Дэлі)

Нацыянальная галерэя сучаснага мастацтва — галерэя ў Нью-Дэлі, Індыя. Заснавана ў 1993 годзе. Яе з’яўленне называюць удалым стартам у фарміраванні калекцый сучасных індыйскіх таленавітых, але часта малавядомых мастакоў. Галерэя дэманструе цікавую і пазнавальную карціну развіцця індыйскага мастацтва XX стагоддзя. Сучаснае мастацтва Індыі прадстаўлена з усіх рэгіёнаў краіны. У зборы галерэі ёсць таксама рэдкія творы жывапісу XIX стагоддзя.

Нацыянальная галерэя сучаснага мастацтва
Заснаваны	1954
Заснавальнік	Урад Індыі[d]
Месцазнаходжанне	Нью-Дэлі
Адрас	Нью-Дэлі, Індыя
ngmaindia.gov.in
Медыяфайлы на Вікісховішчы

У музеі на высокім узроўні вядзецца даследчая работа, актыўна выкарыстоўваюцца новыя метады і прыёмы экспазіцыйнай дзейнасці. Ад іншых мастацкіх музеяў Нацыянальная галерэя сучаснага мастацтва адрозніваецца тым, што стратэгія яе развіцця скіравана на раскрыццё новых маладых талентаў з розных рэгіёнаў краіны. Галерэя рэгулярна праводзіць часовыя выстаўкі, займаецца выдавецкай дзейнасцю. У ёй вядзецца работа па стварэнні цэнтра вывучэння індыйскага мастацтва і дакументацыйнага цэнтра, мэта якіх — дапамагаць мастацтвазнаўцам, студэнтам і школьнікам у навуковых даследаваннях і адукацыйным працэсе.

Літаратура

• Музеі замежных краін : вучэб. дапам. для студэнтаў гіст. фак. спец. 1-23 01 12 «Музейная справа і ахова гісторыка-культурнай спадчыны (па напрамках)». У 2 ч. Ч. 2. Музеі Азіі, Амерыкі, Аўстраліі, Афрыкі / Л. У. Бярэйшык, А. А. Гужалоўскі. — Мінск : БДУ, 2008. — 247 с. : іл. ISBN 978-985-485-855-5.

Спасылкі

• На Вікісховішчы ёсць медыяфайлы па тэме Нацыянальная галерэя сучаснага мастацтва (Нью-Дэлі)