Нуон Чэа

Нуон Чэа (кхмер.: នួន ជា; 7 ліпеня 1926 — 4 жніўня 2019) — камбаджыйскі рэвалюцыянер, дзяржаўны і палітычны дзеяч рэжыма «Чырвоных кхмераў», ваенны злачынец.

Нуон Чэа
кхмер.: នួន ជា
прэм’ер-міністр Камбоджы[d] 27 верасня 1976 — 25 кастрычніка 1976
Папярэднік	Пол Пот
Пераемнік	Пол Пот
Нараджэнне	7 ліпеня 1926(1926-07-07) Voat Kor[d], Французскі Індакітай, Францыя
Смерць	4 жніўня 2019(2019-08-04) (93 гады) Пнампень, Камбоджа
Месца пахавання	Pailin Province[d]
Імя пры нараджэнні	англ.: Lau Kim Lorn
Бацька	Lao Liv[d]
Маці	Dos Peanh[d]
Жонка	Ly Kimseng[d]
Веравызнанне	будызм
Партыя	Камуністычная партыя Кампучыі[d] (1981) Камуністычная партыя Тайланда[d] Камуністычная партыя Інданезіі (1951)
Адукацыя	Thammasat University[d]
Дзейнасць	палітык, рэвалюцыянер
Медыяфайлы на Вікісховішчы

Біяграфія

Яго называлі «Брат нумар два» — ён быў другім чалавекам у краіне пасля Пол Пота, калі Камбоджай кіравалі «Чырвоныя кхмеры», — у перыяд ад 1975 да 1979 года. Пасля захопу ўлады ў Камбоджы ў 1975 годзе яны кінулі краіну ў хаос. За чатыры гады загінула, як мяркуецца, два мільёны чалавек. Нуон Чэа быў адным з ідэолагаў і архітэктараў новага ладу. Дактрына атрымала назву «Нулявы год» — па аналогіі з «Першым годам» календара французскай рэвалюцыі, што вызначае новы пункт адліку ў гісторыі. Пасля в’етнамскага наступу і звяржэння рэжыму ў 1979 годзе Нуон Чэа з групай паплечнікаў схаваўся ў гарах, дзе і дачакаўся памілавання ў 1998 годзе на падставе мірнага пагаднення. Але пад ціскам міжнародных арганізацый Камбоджа арыштавала яго ў 2007 годзе. Пазней Чэа быў асуджаны на пажыццёвае зняволенне за генацыд. Сваёй віны не прызнаў. На адным з судовых пасяджэнняў ён заявіў, што яго галоўнай мэтай было «вызваліць радзіму ад каланіялізму і агрэсіі, ад прыніжэння з боку злодзеяў, якія хацелі скрасці нашу краіну і сцерці Камбоджу з твару зямлі». Памёр у турме ва ўзросце 93 гадоў.