Пастка для адзінокага мужчыны
«Пастка для адзінокага мужчыны» (руск.: Ловушка для одинокого мужчины) — мастацкі фільм, камедыйны дэтэктыў па матывах аднайменнай п’есы Рабэра Тома
Пастка для адзінокага мужчыны | |
|---|---|
| Ловушка для одинокого мужчины | |
| Жанр | фільм-містэрыя[d] і кінакамедыя |
| Рэжысёр | |
| У галоўных ролях |
|
| Кампазітар | |
| Працягласць | 87 хв. |
| Краіна | |
| Мова | руская |
| Год | 1990 |
| IMDb | ID 0100069 |
Сюжэт правіць
Даніэль Корбан звяртаецца да камісара паліцыі з нагоды знікнення сваёй жонкі Элізабэт. Праз некалькі дзён мадам Корбан вяртаецца дадому ў суправаджэнні мясцовага кюрэ. Але ашаломлены яе з’яўленнем Даніэль не жадае прызнаваць у ёй сваю законную жонку, лічачы гэтую жанчыну самазванкай, якая прэтэндуе на яго маёмасць. Ніхто не можа пацвердзіць словы Даніэля — абвянчаліся яны нядаўна і ў ціхім, далёкім мястэчку. Нечакана з’яўляецца мастак-выпівоха па мянушцы Татка Мерлуш, які быў выпадковым сведкам на вяселлі Даніэля і Элізабэт. За ўзнагароджанне ён гатовы апісаць выгляд сапраўднай Элізабэт, але самазваная «жонка» страляе ў Мерлуша, абвінаваціўшы Даніэля ў забойстве мастака. Выкліканая камісарам у якасці сведкі Медсястра Івон Берта, якая аказвала раней Элізабэт медыцынскія паслугі, непрыхавана гандлюе сваімі паказаннямі, прапаноўваючы прызнаць ці не прызнаць самазванку ў залежнасці ад таго, хто заплаціць ёй буйную суму. У рэшце рэшт, Даніэль губляе самакантроль і прызнаецца, што сапраўдная Элізабэт мёртвая, а цела знаходзіцца ў горным патоку ў лесе Шамуа.
У фінале камісар паліцыі тлумачыць, што ён з’яўляецца пастаноўшчыкам разыгранага спектакля, мэта якога-прымусіць Даніэля Корбана прызнацца ў забойстве жонкі. На самай справе цела Элізабэт было знойдзена, і камісар адразу западозрыў ў забойстве яе мужа. Аднак замест руцінных допытаў ён абраў нетрывіяльны спосаб. Муж і жонка акцёры Тарке згулялі ролі кюрэ і Элізабэт. Былі задзейсненыя і сапраўдныя сведкі — мастак-выпівоха Поль Брысар і медсястра Івон Берта. У выніку злачынец трапіў у пастку.
У ролях правіць
- Мікалай Карачанцаў — Даніэль Корбан
- Юрый Якаўлеў — камісар паліцыі
- Ірына Шмялёва— Фларанс
- Веніямін Смехаў — лжэ-кюрэ
- Інакенцій Смактуноўскі — бадзяжны мастак Поль Брысар па мянушцы Татка Мерлуш
- Алена Коранева — медсястра Івон Берта
- Сяргей Мігіцко — паліцэйскі Жан
Спасылкі правіць
- Пастка для адзінокага мужчыны на сайце «Internet Movie Database» (англ.)