Патрыяршы экзархат Афрыкі

Патрыяршы экзархат Афрыкі (руск.: Патриарший экзархат Африки, англ.: Patriarchal Exarchate of Africa, фр.: l'Exarchat patriarcal d'Afrique) — экзархат Рускай праваслаўнай царквы, што аб’ядноўвае прыходы на тэрыторыі Афрыкі.

Патрыяршы экзархат Афрыкі
Агульныя звесткі
Краіна	Афрыкa
Заснавана	29 снежня 2021
Статыстыка
Прыходаў	прыблізна 350 (люты 2025)
Святароў	больш 250 (люты 2025)
Сайт	exarchate-africa.ru
Медыяфайлы на Вікісховішчы

Па стане на люты 2025 года экзархат налічвае каля 350 прыходаў, якія дзейнічаюць у 32 краінах Афрыканскага кантынента. У кліры Экзархата служаць больш за 250 святароў, прычым больш за 100 з іх знаходзяцца ў Кеніі.

Гісторыя

У адказ на прызнанне 8 лістапада 2019 года Патрыярхам Александрыйскім Феадорам II Праваслаўнай Царквы Украіны і яе аўтакефаліі Свяшчэнны сінод Рускай праваслаўнай царквы 26 снежня 2019 года пастанавіў, сярод іншага, вывесці «прыходы Рускай Праваслаўнай Царквы, якія знаходзяцца на афрыканскім кантыненце» з юрысдыкцыі Александрыйскага патрыярхату і надзяліць іх стаўрапігіяльным статусам, прадстаўніцтва Патрыярха Маскоўскага і ўсяе Русі пры патрыярху Александрыйскім пераўтварыць у прыход Рускай Праваслаўнай Царквы ў Каіры.

Рашэння аб утварэнню епархіі было прынята на пасяджэнні Свяшчэннага Сінода Рускай Праваслаўнай Царквы, якое адбылося 29 снежня 2021 года ў Патрыяршай і Сінадальнай рэзідэнцыі ў Данілавым манастыры ў Маскве пад кіраўніцтвам Патрыярха Маскоўскага і ўсяе Русі Кірыла. Члены Сінода пастанавілі прыняць у юрысдыкцыю Рускай Праваслаўнай Царквы 102 клірыка Александрыйскага Патрыярхату з васьмі краін Афрыкі.

Быў утвараны Патрыяршы экзархат Афрыкі ў складзе Паўночна-Афрыканскай і Паўднёва-Афрыканскай епархій, а кіраўніку Патрыяршага экзархату Афрыкі мець тытул «Клінскі». Таксама быў уключаны ў склад Паўночна-Афрыканскай епархіі стаўрапігіяльныя прыходы Маскоўскага Патрыярхату ў Егіпце, Тунісе і Марока, а епархіяльнаму архіерэю Паўночна-Афрыканскай епархіі мець тытул «Каірскі і Паўночна-Афрыканскі».