Патэнцыял (тэрмін)
Патэнцыял (ад лац.: potentia сіла) — сродкі, запасы, крыніцы, магчымасці, якія маюцца ў наяўнасці і могуць быць ужытыя дзеля дасягнення пэўных мэтаў, развязання якіх-небудзь задач.[1]
У ваеннай тэорыі патэнцыял вызначаецца як сукупнасць матэрыяльных і духоўных сіл дзяржавы, грамадства, узброеных сіл, якія могуць быць ужытыя дзеля дасягнення мэтаў вайны. Адрозніваюць патэнцыялы: баявы, ваенны, маральна-палітычны, навуковы, сацыяльны, эканамічны і іншыя. Усе такія патэнцыялы маюць колькасныя і якасныя паказчыкі, з'яўляюцца ўзаемазвязанымі і ўзаемаабумоўленымі; у сукупнасці яны характарызуюць узровень ваеннай моцы дзяржавы. Рэалізацыя патэнцыялу ажыццяўляецца праз дзейнасць палітычнага і ваеннага кіраўніцтва, народных мас, войска.[1]
Зноскі
Літаратура Правіць
- Военный энциклопедический словарь, 1983. — 863 с. : 30 л. ил.