Паўночна-Каралінскі ўніверсітэт у Грынсбара

Паўночна-Каралінскі ўніверсітэт у Грынсбара
Паўночна-Каралінскі ўніверсітэт у Грынсбара
	англ.: University of North Carolina at Greensboro
Арыгінальная назва	англ.: University of North Carolina at Greensboro
Заснаваны	1891
Студэнты	19 764 і 19 038
Краіна	ЗША;
Размяшчэнне	Грынсбара, Паўночная Караліна, ЗША
Сайт	uncg.edu
	Медыяфайлы на Вікісховішчы

Паўночна-Каралінскі ўніверсітэт у Грынсбара (англ.: University of North Carolina at Greensboro) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Грынсбара ў штаце Паўночная Караліна.

Агульная характарыстыка

Універсітэт прапануе больш за 100 праграм бакалаўрыяту, 61 праграму магістратуры і 26 доктарскіх праграм.

Ён таксама з'яўляецца сядзібай мастацкага музея, які змяшчае адну з буйнейшых у ЗША калекцый сучаснага амерыканскага мастацтва.

Вучэльня была створана як жаночы каледж 18 лютага 1891 года як дзяржаўная нармальная і індустрыяльная школа, якая адкрылася 5 кастрычніка 1892 года. Школа забяспечвала навучанне бізнэсу, бытавым навукам і педагогіцы. Першая група студэнтаў налічвала 223 асобы, а штат выкладчыкаў — 15 асоб у першы навучальны год. Гэта першая і адзіная дзяржаўная ўстанова адукацыі ў штаце, заснаваная з мэтай навучання жанчын. У 1949 годзе яна стала буйнейшай жаночай навучальнай установай у ЗША.