Паўночна-Каралінскі ўніверсітэт у Пембруку

Паўночна-Каралінскі ўніверсітэт у Пембруку (англ.: University of North Carolina Wilmington) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Пембрук ў штаце Паўночная Караліна.

Паўночна-Каралінскі ўніверсітэт у Пембруку
англ.: University of North Carolina Wilmington
Арыгінальная назва	англ.: University of North Carolina Wilmington
Заснаваны	1887
Студэнты	8 262
Размяшчэнне	Пембрук, Паўночная Караліна, ЗША
Сайт	uncp.edu
Медыяфайлы на Вікісховішчы

Гісторыя

Вучэльня была заснавана 7 сакавіка 1887 года пасля мясцовай петыцыі, якую спансаваў Гамільтан Макміліян з акругі Робесан, які засядаў у Палаце прадстаўнікоў штата. Паколькі мэта вучэльні складалася ў тым, каб навучыць карэнных амерыканцаў быць настаўнікамі, прыём быў абмежаваны індзейцамі з акругі Робесан.

У 1909 годзе школа пераехала на сваё цяперашняе месца, прыкладна ў адной мілі ад першапачатковага месца. Назва была зменена ў 1911 годзе на Індыйскую нармальную школу акругі Робесан, а ў 1913 годзе яна была зноў зменена, на гэты раз на Нармальную школу індзейцаў Чэрокі акругі Робесан.

У 1939 годзе працягласць навучання ў школе была зменена на чатыры гады, а ў 1941 годзе была дадзена новая назва — Пембрукскі дзяржаўны каледж індзейцаў. Пасля вучэльня пачала прапаноўваць ступені бакалаўра па іншых галінах ведаў, акрамя адукацыі. У 1945 годзе каледж быў адкрыты для членаў з усіх федэральна прызнаных плямёнаў індзейцаў. Змена назвы на Пембрукскі дзяржаўны каледж у 1949 годзе азначала, што вучэльня пачынае прыём таксама і белых студэнтаў. У 1953 годзе было выдадзена распараджэнне, што іх можна прымаць да 40% ад агульнай колькасці студэнтаў. У наступныя гады былі прыняты рашэнні аб забароне ўсіх расавых абмежаванняў.

У 1969 годзе каледж стаў Пембрукскім дзяржаўным універсітэтам, рэгіянальным універсітэтам, які быў уключаны ва ўніверсітэцкую сістэму Паўночнай Караліны ў 1972 годзе. Першая магістарская праграма была ўведзена ў 1978 годзе. 1 ліпеня 1996 года ўніверсітэт стаў Паўночна-Каралінскім ўніверсітэтам у Пембруку.

Структура

• Каледж мастацтваў і навук
• Каледж навук пра здароўе
• Школа бізнесу
• Школа адукацыі
• Школа праграм аспірантуры

Гл. таксама

• Спіс універсітэтаў штата Паўночная Караліна

Спасылкі

• На Вікісховішчы ёсць медыяфайлы па тэме Паўночна-Каралінскі ўніверсітэт у Пембруку
• Афіцыйная інтэрнэт-старонка ўстановы