Пекінскі батанічны сад

Пекінскі батанічны сад — батанічны сад, размешчаны на паўночна-заходняй ускраіне Пекіна, паміж паркам Сяншань і гарой Юйцюаньшань у гарах Сішань. Быў заснаваны ў 1955 годзе. Плошча батанічнага саду — 564 000 м².

Пекінскі батанічны сад?
Асноўная інфармацыя
Тып	батанічны сад і рэгіён
Плошча	4 км²
Дата заснавання	1955
beijingbg.com
Размяшчэнне
39°59′34″ пн. ш. 116°12′34″ у. д.

Пекінскі батанічны сад

Камень вучонага з возера Тайху ў Пекінскім батанічным садзе

У садзе знаходзяцца дзесяткі выставачных раёнаў і залаў, такіх як сад дрэў, участкі са шматгадовымі цыбульнымі, ружоўнік, клумбы з півонямі, традыцыйны кітайскі сад лекавых раслін, сад з дзікімі фруктовымі дрэвамі, раён ахоўных раслін, раёны водных раслін і вінаграднікаў, участкі з відамі на мяжы знікнення і выставачныя цяпліцы для трапічных і субтрапічных раслін. Таксама на тэрыторыі саду знаходзяцца некалькі будысцкіх храмаў.

У садзе расце 6000 відаў раслін, уключаючы 2000 відаў дрэў і кустоў, 1620 разнавіднасцяў трапічных і субтрапічных раслін, 500 відаў кветак і 1900 відаў фруктовых дрэў і водных раслін, традыцыйных для Кітая.

Самымі папулярнымі месцамі саду з’яўляюцца:

• Экспазіцыя з прадстаўнікамі вечназялёных відаў і пальмавых.
• Экспазіцыя трапічных водных раслін, уключаючы вадзяныя лілеі і квітнеючыя таро.
• Экспазіцыя культываваных раслін, іх размнажэння і распаўсюду. Тут ёсць прадстаўнікі какава- і кававых дрэў, хрызантэм з салодкім лісцем, якія былі прывезены з іншых краін і інтрадукаваны ў Кітаі.

У садзе ёсць экспазіцыі лекавых раслін, араматычных раслін і сукулентаў. Выстаўка дэкаратыўных раслін з’яўляецца ўражлівай, з незлічоным мноствам сартоў, кветкамі і травой. Толькі разнавіднасцяў архідэй больш, чым 300 відаў.

Акрамя таго, у садзе ёсць цяпліцы, выставачная зала нацыянальных відаў плошчай 11000 квадратных метраў. Будынкі, лабараторыі класіфікацыі раслін, Навукова-даследчыя памяшканні і лекцыйная зала размешчаны вакол унутранага двара і злучаныя аркамі і рашоткамі.

Сад півонь быў адкрыты для публікі ў 1981 годзе. Ён займае плошчу ў 100 000 квадратных метраў і складаецца з трох аддзелаў.

Калекцыя раслін уключае ў сябе мноства рэдкіх відаў. Існуе, напрыклад, Метасеквоя, упершыню выяўленая ў раёнах Хубэй і Сычуань кітайскімі навукоўцамі ў 1940 годзе. Паколькі яна першапачаткова лічылася вымерлай на працягу трацічнага перыяду (65 млн гадоў таму), то выяўленне жывых асобнікаў у Кітаі стала вялізным сюрпрызам для батанікаў.

Сярод іншых раслін саду прадстаўнікі пажадлівых раслін роду Nepenthes.

Галерэя

• 
• 
• 
• 
• 
• 
• 
• 
• 

Спасылкі

• Official website (Chinese) Архивная копия ад 23 лістапада 2005 на Wayback Machine
• Beijing Botanical Garden Архивная копия ад 7 верасня 2010 на Wayback Machine